कारंजा चक्रीघाटात अपघात, एक महिला ठार तर तीन जखमी

अमरावती - नागपूर महामार्ग क्रमांक ६ वर नागपूरहुन अमरावतीकडे जाणा-या अपघातात एक महिला ठार झाली तर अन्य तीन जखमी झाले

ऑनलाइन लोकमत -

वर्धा, दि. 23 - अमरावती - नागपूर महामार्ग क्रमांक ६ वर नागपूरहुन अमरावतीकडे जाणा-या मारुती स्विफ्ट क्रमांक एमएच ३४ एए ३३०१ चा अपघात झाला. यात एक महिला ठार झाली तर अन्य तीन जखमी झाले. जखमींना प्रथम ग्रामिण रुग्णालय कारंजा व लगेच नागपूर येथे पुढील उपचाराकरीता हलविण्यात आले. सदर घटना शनिवारी सांयकाळी ७ वाजण्याचा दरम्यान घडली.

 

चंद्रपूर येथील मदनशेट्टीवार परिवार आपल्या कारने अमरावती येथे जात असतांना मागून अज्ञात वाहनाने धडक दिल्याने चालक सारंग मुरलीधर मामेडवार यांचे गाडीवरील नियंत्रण सुटले व कार रस्ता दुभाजकावर चढली. यात साधना अनिल मदनशेट्टीवार वय ४७, ही महिला ठार झाली तर जखमी मध्ये धनश्री अनिल मदनशेट्टीवार वय २३, व अनिल मदनशेट्टीवार वय ५५ हे जखमी झाले. याबाबत कारंजा पोलिसांचा तपास सुरु असुन घटनेची पोलिसात नोंद व्हायची आहे.