मुंबई : मुख्यमंत्री देवेंद्र फडणवीस यांच्या महाजनादेश यात्रेच्या पहिल्या टप्प्याच्या अखेरच्या दिवसाचे उद्या शुक्रवारी होणारे सर्व कार्यक्रम रद्द करण्यात आले आहेत. मुख्यमंत्री फडणवीस यांनी पूरग्रस्त सांगली, कोल्हापूरकडे धाव घेतली असून त्यांनी स्वत: मदतकार्यात पुढाकार घेतला असल्याने महाजनादेश यात्रेचे शुक्रवारचे कार्यक्रम रद्द करण्याचा निर्णय घेण्यात आला आहे, असे यात्रा प्रमुख भाजपचे प्रदेश सरचिटणीस आ. सुजितसिंह ठाकूर यांनी सांगितले.नियोजनानुसार यात्रेचा पहिला टप्पा शुक्रवार ९ आॅगस्ट रोजी संपणार होता. पण पूरस्थिती ध्यानात घेऊन मदतकार्याचा आढावा घेण्यासाठी मंगळवारीच मुख्यमंत्र्यांनी अकोला येथून महाजनादेश यात्रेतून मुंबईकडे प्रयाण केल्याचे त्यांनी सांगितले.
महाजनादेश यात्रेच्या अखेरच्या दिवसाचे कार्यक्रम रद्द
By लोकमत न्यूज नेटवर्क | Updated: August 9, 2019 03:04 IST