ऑनलाइन लोकमत
मुंबई, दि. 23 - आशिष शेलार यांचे बंधू विनोद शेलार यांना पराभवाचा धक्का बसला आहे. शिवसेनेचे स्वप्नील टेंबवलकर यांनी विनोद शेलार यांना पराभूत केले आहे. मुंबई भाजपाचे अध्यक्ष आशिष शेलार यांचे बंधू विनोद शेलार दुसऱ्यांदा तिकीट मिळवत निवडणुकीच्या रिंगणात उतरले होते.
दरम्यान, आपल्या कुटुंब कबिल्यासाठी पक्ष चालवू नका, असा आदेश पंतप्रधान नरेंद्र मोदी यांनी दिलेला असतानाही आशिष शेलार यांच्यासह अनेक नेत्यांनी मुंबई मनपासाठी लॉबिंग करत आपल्या नातेवाईकांना उमेदवारी मिळवून दिली होती.
यावर प्रश्न उपस्थित झाल्यानंतर 'भाजपाने त्यांची मुले-नातेवाईक असा निकष तिकीटे देताना लावलेला नाही. त्यांचे काम पाहून त्यांना उमेदवारी देण्यात आली आहे', अशी सारवासारव आशिष शेलार यांनी केली होती.