सदानंद नाईक
उल्हासनगर :
कुत्र्याचे पिल्लू ऑटो रिक्षात बसते या रागातून अमानुषपणे पिल्लाला मारहाण करून जिवेठार केले. याप्रकरणी प्राणीमित्रांच्या तक्रारीवरून धर्मा कुंठे यांच्यावर गुन्हा दाखल झाला असून हा प्रकार रविवारी सायंकाळी साडे पाच वाजता घडला.
उल्हासनगर कॅम्प नं-१ डॉ संजय अहिरे यांच्यां क्लिनिक समोर धर्मा कुंठे ऑटो रिक्षा उभी करतात. रविवारी रिक्षा काढण्यास निघालेल्या धर्मा कुंठे यांना एक कुत्र्याचे पिल्लू रिक्षात बसलेले दिसले. कुत्र्याचे पिल्लू रिक्षात नेहमी बसते, या रागातून लाकडी दांडक्याने, अमानुषपणे कुत्र्याच्या पिल्यास त्याने मारहाण करण्यास सुरुवात केली. जिवाच्या आकांताने ओरडणाऱ्या कुत्र्याच्या पिल्लाला सोडण्याऐवजी जीवेठार केले. याप्रकारचा परिसरातील नागरिकांनी निषेध केला. तर कुत्र्याचे अन्न विक्रीचा व्यवसाय करणारे राज वोटवानीयांच्या तक्रारीवारीन उल्हासनगर पोलिसांनी गुन्हा दाखल केला. कुत्र्याला अमानुषपणे मारहाण करून जीवेठार मारल्या प्रकरणी सर्वत्र निषेध होत आहे. पोलीस अधिक तपास करीत आहेत.