ऑनलाइन लोकमत
सिल्लोड, दि. ५ - सिल्लोड कन्नड रस्त्यावरील मोढा वाडी जवळ ४० वर्ष जुना पूल कोसळला. या दुर्घटनेत दोन मोटारसायकली खाली कोसळून चार जण जखमी झाले. यापैकी दोघांची प्रकृति चिंताजनक आहे. त्यांना सिल्लोड येथील उपजिल्हा रुग्णालयात प्रथम उपचार करून औरंगाबाद येथे हलविण्यात आले आहे. ही घटना सोमवारी दुपारी चार वाजेच्या दरम्यान घडली.
या अपघातात गंभीर जख्मी झालेल्या इसमांची नावे अशी:- गोविंदा तुकाराम पंडित वय ४५,बाळू आनंदा पंडित वय २५ दोघे रा.मोढ़ा खुर्द व अजयसिंग तुकाराम राजपूत वय २५ रा.बोरगाव बाजार,आरती भारत बारवाल वय २८ रा.अन्वा यापैकी गोविंदा पंडित व बाळू पंडित हे दोघे गंभीर जख्मी झाले असून त्यांना औरंगाबाद येथे हलविण्यात आले आहे.
सोमवारी दुपारी चार वाजेच्या दरम्यान मोटारसायकल क्र.एम.एच.२० ए.ई.०१३२ यावर गोविंदा पंडित व बाळू पंडित हे सिल्लोड येथून मोढ़ा येते जात होते तर दूसरी मोटारसायकल क्र.एम.एच.२०.ए.एल.४०५३ या वरुण आजयसिंग राजपूत व आरती बारवाल हे दोघे जन बोरगावहुन अन्वा येथे जात असतांना अचानक पुल कोसळल्याने हे दोघे मोटारसायकलस्वार वीस फुट खाली कोसळून जखमी झाले.
सिल्लोड कन्नड रस्त्यावरील पुल कोसळल्याने अनेक गावाचा संपर्क तुटला आहे. या रस्त्या वरील सर्व वाहतूक ठप्प झाली आहे.म्हणून सिल्लोड कन्नड डेपो च्या 10 बस रद्द करण्यात आल्या आहेत, तर सिल्लोड, कन्नड, पाचोरा, चाळीसगाव,मालेगाव, डेपो च्या ४५ बस च्या फेऱ्या सिल्लोड कन्नड मार्गा ऐवजी गोलेगाव, हट्टी, बहुली, भराडी, मार्गे वळवण्यात आल्या आहेत.
- बाबासाहेब साळुंके वाहतूक नियंत्रक सिल्लोड आगार