गुलबर्गा/आळंद : कर्नाटक राज्य परिवहन महामंडळाची बस आणि पिकअप व्हॅन यांच्यात झालेल्या भीषण अपघातात एकाच कुटुंबातील १६ जण ठार तर सात जण जखमी झाले आहेत. ही घटना आळंद-गुलबर्गा राज्य महामार्गावर कोडलहंगरगानजवळ सोमवारी पहाटे पाचच्या सुमारास घडली़ चौघांची स्थिती चिंताजनक असून, त्यांच्यावर गुलबर्गा येथील शासकीय रूग्णालयात उपचार सुरू आहेत. मृत सर्व जण अक्कलकोट तालुक्यातील तडवळचे रहिवासी असून, ते गुलबर्गा येथील ख्वाजा बंदेनवाज दर्गाह येथे जावळ काढण्यासाठी जात होते.नबीलाल हनीफ मुल्ला(५८), मैमुनबी नबीलाल मुल्ला (५६), बाशा मदार मुल्ला (७०), रमजान दादामियाँ मुल्ला (२१), मोहसीन सिकंदर मुल्ला (१४), हुसेन मदारसाब मुल्ला (२०), रियान शेख (३), मुमताज महिबूब लावणी (६), बाबू ख्वाजाभाई मुल्ला (४),परवीन सिकंदर मुल्ला (३५), नूरजहाँ रजाक मुल्ला (३०), समीर सिकंदर मुल्ला (५), जन्नत खाजाभाई मुल्ला (३०), रेश्मा खाजाभाई मुल्ला (१०), पिकअपचा चालक कमलाकर शिवप्पा बरगूर (३२) अशी मृतांची नावे आहेत़ इतर दोघांचा उपचारांदरम्यान मृत्यू झाल्याचे पोलिसांनी सांगितले. (प्रतिनिधी)
बळीचा बकरा बचावलागुलबर्गा येथे जावळ कार्यक्रमासाठी घेऊन जात असलेला बळीचा बकरा मात्र या अपघातातून बचावला आहे. ज्याचा बळी द्यावयाचा आहे, तो बचावला मात्र बळी देणारे १५ जण या अपघातात दगावले गेले.