ऑनलाइन लोकमत
अहमदनगर, दि. 21- कोपर्डीमध्ये घडलेली बलात्कार आणि हत्याकांडांची घटना अजूनही प्रत्येकाच्या मनात ताजी आहे. कोपर्डीच्या घटनेला नुकतंच एक वर्ष पूर्ण झालं. पण असं असताना पुन्हा एकदा अहमदनगरमध्ये अत्याचार झाल्याची घटना घडली आहे. पाथर्डी तालुक्यातील मांडवे गावातील इयत्ता सातवीत शिकणाऱ्या मुलीवर अत्याचार झाल्याची घटना उघडकीस आली आहे़. या घटनेनंतर तिसगावात प्रचंड तणाव निर्माण झाला आहे. या प्रकरणाती आरोपीला अटक करावी, या मागणीसाठी रास्ता रोको आंदोलन करण्यात आलं तसंच पाथर्डी बस स्थानकात दगडफेक करण्यात आली़
पाथर्डी तालुक्यातील मांडवे हे गाव तिसगावजवळ आहे़. ही मुलगी तिसगाव येथील एका शाळेत इयत्ता सातवीत शिकत होती़. मांडवे येथून शाळा तीन किलोमीटर अंतरावर आहे़. या शाळेत ५० टक्के मुले मांडवे येथील आहेत़. अत्याचारग्रस्त मुलीच्या आईने या मुलीला शाळेत जाण्यासाठी एका अज्ञात इसमाच्या गाडीवर बसवून शाळेत पाठविले होते. या अज्ञात इसमाने आडमार्गी गाडी नेऊन या मुलीवर अत्याचार केल्याची माहिती समोर आली आहे. अत्याचार केल्यानंतर या इसमाने तिसगाव चौकात पीडित मुलीला आणून सोडले़. तिथे ही मुलगी मोठ्याने रडायला लागली़ होती. त्यानंतर लोकांनी चौकशी केली असता ही घटना उघकीस आली़.
दरम्यान, या प्रकरणी संतप्त नागरिकांनी तिसगाव येथील वृद्धेश्वर चौकात रास्ता रोको करण्यात आला़. या प्रकरणातील आरोपीला अटक करावी, या मागणीसाठी पाथर्डीत दगडफेक करण्यात आली़.