आपण भरता का टॅक्स...
ऑटाे चालक : स्वत:चा ऑटाेरिक्षा असताना अनेकदा टॅक्स भरला आहे. मात्र, आता ऑटाे विकल्याने टॅक्स भरण्याची गरज नाही.
भाजीपाला विक्रेता : दर आठवडी बाजारात आम्ही टॅक्स देताे. मात्र, टॅक्स घेणारे त्यांच्या सुविधांकडे दुर्लक्ष करत असल्याचे समाेर आले आहे.
वाहन चालक : गत अनेक वर्षांपासून मी चालक म्हणून काम करताे. शासनाचा टॅक्स आजपर्यंत नियमित भरला आहे. मात्र, शासन आमच्या सुविधांकडे दुर्लक्ष करत आहे.
फेरीवाला : मी दरराेज लातुरात भाजीपाला विक्री करताे. आजपर्यंत टॅक्स भरला आहे. मात्र, आता ताे भरणे शक्य हाेत नाही. सध्याला टॅक्स कसा भरायचा, हा प्रश्न सतावत आहे.
सुरक्षारक्षक : मी घरपट्टी, नळपट्टी वगळता, इतर टॅक्स भरत नाही. टॅक्स भरण्याएवढी माझी परिस्थितीच नाही आणि टॅक्स भरणे शक्य नाही.
लाॅन्ड्री चालक : मार्च, २०२० पासून आमचा व्यवसाय ठप्प आहे. दुकानाचेे भाडे पदरमाेड करून भरले आहे. अशा स्थितीत टॅक्स कसा भरायचा, हाच प्रश्न आहे.
महिला कामगार : घराेघरी माेलकरणी म्हणून काम करताे, अशा परिस्थितीत टॅक्स कसा भरणार? टॅक्स काय आहे, हेच माहिती नाही.
सलून चालक : शासनाने लागू केलेले टॅक्स मी आजपर्यंत भरले आहेत. मात्र, काेराेनामुळे यामध्ये खंड पडला आहे.
प्रत्येकांच्या डाेक्यावर टॅक्सचा भार
शहरासह ग्रामीण भागात राहणाऱ्या प्रत्येकांच्या डाेक्यावर कराचा भार आहे. विविध प्रकारचे टॅक्स दरवर्षी नागरिकांना भरावेच लागतात. ग्रामीण भागात ग्रामपंचायतीकडून हे टॅक्स वसूल केले जातात, तर शहरात महानगर पालिका प्रशासन विविध स्वरूपातील टॅक्स गाेळा करते. यातूनच ग्रामपंचायत, नगरपंचायत, नगरपालिका, महानगरपालिकांच्या तिजाेरीत पैसा जमा हाेताे. हाच पैसा विविध विकासांवर वापरला जाताे.