हैदराबाद बसला माेठा प्रतिसाद...
लातूर जिल्ह्यातील नागरिक हैदराबाद येथे राेजगारानिमित्त माेठ्या प्रमाणावर स्थलांतर झाले आहेत. शिवाय, हैदराबाद शहर जवळ असल्याने सीमाभागातील प्रवाशांची ये-जा असते. सध्याला लातूर - हैदराबाद, उदगीर - हैदराबाद बसला प्रवाशांतून माेठ्या प्रमाणावर प्रतिसाद मिळत आहे. शिवाय, लातूर-निजामाबाद बसलाही प्रवाशांची गर्दी दिसून येत आहे.
भारमानानुसार प्रवासी बससेवा सुरु...
लातूर विभागातील लातूर, उदगीर, अहमदपूर, निलंगा आणि औसा आगारातील बसच्या फेऱ्या पूर्ववत करण्याबाबत सूचना देण्यात आल्या आहेत. ज्या मार्गावर भारमान नाही त्या मार्गावरील बस सध्याला बंद आहेत. हैदराबाद, निजामाबाद, गुलबर्गा, औराद या मार्गावर प्रवाशांचा प्रतिसाद चांगला आहे. यासाठी या बस पूर्ववत करण्यात आल्या आहेत. भारमानानुसार जिल्ह्यातील अंतर्गत मार्गावरही बससेवा सुरु केली जाणार आहे. - सचिन क्षीरसागर, विभाग नियंत्रक, लातूर
५० टक्के वाहक, चालकांचे लसीकरण पूर्ण...
लातूर विभागातील एकूण पाच आगारात कार्यरत असलेल्या वाहक-चालकांपैकी जवळपास ५० टक्के कर्मचाऱ्यांचे लसीकरण पूर्ण करण्यात आले आहे. काहींचा पहिला डाेस झाला आहे. सर्वच कर्मचाऱ्यांचे लसीकरण करण्याबाबत त्या-त्या आगारप्रमुखांना सूचना देण्यात आल्या आहेत. लसीकरणापासून काेणीही वंचित राहू नये, यासाठी प्रयत्न सुरु आहेत.