जिल्ह्यात गेल्या चार-पाच दिवसांपासून एडी सिरिंजचा पुरवठा मागणी प्रमाणे होत नाही. त्यामुळे बालकांच्या लसीकरणासाठी वापरण्यात येणा-या सिरिंज वापर कोरोना लसीकरणासाठी केला जात आहे. जिल्ह्यात १०,००० ते १२,००० एडी सिरींजची गरज आहे. त्या तुलनेत पुरवठा कमी आहे. त्यामुळे केंद्र व राज्य शासनाकडून मिळालेल्या मिळालेल्या पत्रानुसार अन्य सिरिंजचा वापर करण्यात येत आहे. आरोग्य विभागाकडे एडी सिरिंज वगळता अन्य सिरिंज मोठ्या प्रमाणात उपलब्ध आहेत. लसीकरण थांबणार नाही या अनुषंगाने काळजी घेतली जात आहे. चार-पाच दिवसांपासून सिरीजचा तुटवडा असला तरी लसीकरणाला ब्रेक येऊ दिला नाही. ९ सप्टेंबर रोजी तर जिल्ह्यात विक्रमी लसीकरण करण्यात आले आहे.
काय आहे एडी सिरींज ?
एडी सिरिंज .५ लाॅक होते. सिरींजमध्ये लस घेतल्यानंतर आपोआप लॉक होण्याची सिस्टीम आहे. अन्य सीरिंजमध्ये ही सोय नाही. एडी सिरिंजमुळे वेस्टेज होण्याची शक्यताही फार कमी आहे.
२ सीसी सिरीज कशी असते?
२ सी सी सिरिंजमध्ये लस एक एम.एल. दोन एम.एल. घेता येते. त्यावर मार्किंग असते. मार्किंगनुसार लस घ्यायची असते. ५ एम.एल. लस काळजीपूर्वक घ्यावी लागते. या सिरींजमध्ये लॉकची सोय नाही. यात मार्किंगनुसार लस घ्यावी लागते.
१२ हजार एडी सिरिंज लागतात
कोरोना लसीकरणासाठी जिल्ह्यात दररोज १२००० सिरींजची गरज लागते. या सिरिंजचा पुरवठा गेल्या चार पाच दिवसापासून कमी झाला आहे.चार पाच हजाराच्या आसपास सिरिंज प्राप्त होत आहेत. मागणी तसा पुरवठा होत नाही म्हणून अडचण आहे.
वेस्टेज वाढले....
आपोआप ०.५ एम एल लस घेणारी सिरिंज उपलब्ध नसल्याने लस वेस्टजचे प्रमाण वाढण्याची शक्यता आहे. परंतु सध्या वेस्टचे प्रमाण मायनस आहे. खबरदारी घेऊन नागरिकांना लस दिली जात आहे.
आरोग्य अधिकाऱ्यांचा कोट...
पुरवठा थोडा कमी झाला आहे.परंतु लसीकरणाला काहीच अडचण नाही. अन्य सिरिंज उपलब्ध आहेत.त्यामुळे अडचण नाही. सीरिंजमध्ये लस घेताना काळजी घ्यावी लागते, एवढेच काम वाढले आहे. बाकी काहीच अडचण नाही. आपल्या जिल्ह्याचे वेस्टेजचे प्रमाणही नगण्य आहे.
डॉ. गंगाधर परगे, जिल्हा आरोग्य अधिकारी, लातूर