शहरं
Join us  
Trending Stories
1
महायुती सरकारचं १०० दिवसांचं प्रगती पुस्तक जाहीर; २४ टक्के मिळवत 'हा' विभाग ठरला नापास
2
दारूची बाटली फुटली अन् वाद झाला; मैत्री झाली पण, नंतर...; सीसीटीव्हीमुळे उलगडली व्यक्तीच्या हत्येची कहाणी
3
आजपासून ११ राज्यांतील १५ बँका बंद, ग्रामीण बँकांचं मर्जर; One State-One RRB पॉलिसी झाली लागू
4
'...तर एकनाथ शिंदेच मुख्यमंत्री झाले असते'; शहाजीबापू पाटलांनी कारणही सांगितले
5
“पूर्वी विरोधक दिलदार होते, आता कुठल्याही कामाला चांगले म्हणत नाही”; अजित पवारांचा खोचक टोला
6
जयंती विशेष:हिंदू धर्म पुनरुत्थानाचे जनक, प्रतिकूल काळात धर्मरक्षण करणारे आद्य शंकराचार्य
7
पाकिस्तानच्या हालचाली सुरु; ISI प्रमुखांकडे दिली मोठी जबाबदारी, सीमेवरील चौक्यांवर पुन्हा लावले झेंडे
8
भारताला मिळणार संधी! अमेरिकेच्या बाजारात विकणार केवळ इंडिया मेड आयफोन; चीनला झटका
9
पहलगाम हल्ल्यानंतर चक्र फिरली! बॉलिवूड अभिनेत्रीच्या सिनेमावर आता पाकिस्तानात बंदी, ९ मे रोजी होणार होता रिलीज
10
भारतानं उचललं आणखी एक पाऊल; 'नोटीस टू एअरमन' जारी करत पाकिस्तानला दिला दणका
11
Pahalgam Terror Attack : "लहान मुलं आईपासून कशी दूर राहतील?; एकटं पाकिस्तानला पाठवणं अशक्य, हे खूप वेदनादायक"
12
२६ वर्ष पोलीस सेवेनंतरही कॉन्स्टेबलला भारत सोडण्याचे आदेश; हायकोर्टानं थांबवले, प्रकरण काय?
13
Pahalgam Terror Attack: दहशतवाद्यांनी शेवटच्या क्षणी बदलला प्लॅन; आधी टार्गेटवर होतं 'हे' पर्यटन स्थळ, केलेली रेकी
14
“जातनिहाय जनगणना निर्णय फसवा, जनतेची दिशाभूल करणारा, सरकारी भूमिका दुटप्पी”: प्रकाश आंबेडकर
15
मध्यरात्री भारत-पाकिस्तानात खणखणला फोन; तणाव कमी करण्यासाठी कुणी घेतला पुढाकार?
16
Bhendwal Bhavishyvani 2025: शत्रू भारताचं काही वाकडे करू शकणार नाहीत, परंतु...; प्रसिद्ध भेंडवळची भविष्यवाणी
17
मलायकाला अटक होणार? कोर्टात हजर न झाल्यास अजामीनपात्र वॉरंट निघणार; नक्की प्रकरण काय?
18
युट्यूबच्या माध्यमातून गुंतवणूकदारांची दिशाभूल, सेबीची मोठी कारवाई; शेअरमध्ये गुंतवणूकीचा दिलेला सल्ला
19
गुरु-राहु-केतु गोचर: ७ राशींना मे महिना दमदार, अचानक धनलाभ; पैसा राहील, धनलक्ष्मी प्रसन्न!
20
माहिरा खान ते हानिया आमिर, पाकिस्तानी कलाकारांचे इन्स्टाग्राम अकाऊंट भारताकडून 'बॅन'

मास्क, फिजिकल डिस्टन्सकडे दुर्लक्ष कायम

By लोकमत न्यूज नेटवर्क | Updated: March 20, 2021 04:18 IST

चाकूर : कोरोनाचा वाढता प्रादुर्भाव पाहून जिल्हा प्रशासनाने नियम अधिक कडक केले आहेत. परंतु, चाकूर नगरपंचायतीच्या वतीने नियमांची काटेकोरपणे ...

चाकूर : कोरोनाचा वाढता प्रादुर्भाव पाहून जिल्हा प्रशासनाने नियम अधिक कडक केले आहेत. परंतु, चाकूर नगरपंचायतीच्या वतीने नियमांची काटेकोरपणे अंमलबजावणी केली जात नसल्याचे दिसून येत आहे. परिणामी, शहरात विनामास्क फिरणारे, फिजिकल डिस्टन्सकडे दुर्लक्ष करणारे दिसून येत आहेत. कारवाई मात्र नाममात्र होत आहे. दरम्यान, नगरपंचायतीने शहरातील व्यापाऱ्यांना कोविडची चाचणी करून घेण्याच्या सूचना केल्या आहेत.

राज्यासह जिल्ह्यात कोरोनाचा संसर्ग वाढत आहे. त्यामुळे जिल्हा प्रशासनाने नियमांची काटेकोरपणे अंमलबजावणी करण्याचे आदेश दिले आहेत. शहरासह तालुक्यात कोरोनाचा प्रादुर्भाव वाढत आहेत. दरम्यान, बाजारपेठेत अनेकजण विनामास्क बिनधास्त फिरत आहेत. दंडात्मक कारवाईसाठी नगरपंचायतीने पथक नियुक्त केले असले तरी या पथकात स्थानिक कर्मचारी आहेत. त्यामुळे कारवाई करणे कठीण होत आहे. शहर व शहराच्या तीन कि.मी. अंतरापर्यंत रात्री ८ ते पहाटे ५ वाजेपर्यंत संचारबंदी आहे. या आदेशाचे पालन बहुतांश व्यापारी करीत आहेत. परंतु, आदेशाचे पालन न करणाऱ्यांविरुद्ध कारवाई करण्याबाबत स्थानिक प्रशासन थंड आहे.

शहरात रस्त्यालगत भाजीपाला, फळविक्रेते ठाण मांडून आहेत. विशेष म्हणजे, त्यांतील बहुतांशजण मास्कचा वापर करीत नाहीत. तसेच फिजिकल डिस्टन्स राखले जात नाही. शहरातील बँकांमध्ये फिजिकल डिस्टन्स राखले जात नाही. त्यामुळे बँकांनी समोर थांबण्यासाठी सावलीची सुविधा निर्माण करणे गरजेचे ठरत आहे. संसर्ग रोखण्यासाठी स्थानिक प्रशासनाने कठोर पावले उचलावीत, अशी मागणी होत आहे.

शहरातील व्यापाऱ्यांनी स्वतःची आणि नोकरांची कोरोना चाचणी करून घ्यावी. अहवाल जर निगेटिव्ह आला असेल तर तो दुकानात ठेवावा. नगरपंचायत, महसूलचे कर्मचारी, पोलीस प्रशासनाचे कर्मचारी तपासणीसाठी आल्यास त्यांना हा अहवाल दाखवून प्रशासनाला सहकार्य करावे, असे आवाहन मुख्याधिकारी अजिंक्य रणदिवे यांनी केले आहे.

चाचणीसाठी सुविधा...

कोविडची चाचणी करण्यासाठी चाकूर ग्रामीण रुग्णालय, चापोली, जानवळ आणि नळेगाव येथील प्राथमिक आरोग्य केंद्रात सुविधा आहे. व्यापारी व कर्मचाऱ्यांनी ठरवून दिलेल्या वेळेत कोविडची चाचणी करून घ्यावी.

- डॉ. दीपक लांडे, वैद्यकीय अधीक्षक, ग्रामीण रुग्णालय.

सर्वांनी सहकार्य करावे...

कोरोनाचा प्रादुर्भाव रोखण्यासाठी प्रशासनाच्या वतीने राबविण्यात येत असलेल्या उपाययोजनांना नागरिकांनी सहकार्य करावे. व्यापारी, कर्मचाऱ्यांनी तीन दिवसांत कोविडची चाचणी करून घ्यावी. त्याचा अहवाल दुकानात ठेवावा. मास्कचा वापर करावा. गर्दी होणार नाही, याची काळजी घ्यावी. अन्यथा दंडात्मक कारवाई केली जाईल.

- अजिंक्य रणदिवे, मुख्याधिकारी