विनापरवाना शस्त्र बाळगले, आराेपीला पुण्यातून उचलले

पाेलिसांनी सांगितले की, लातूर ग्रामीण पाेलीस ठाण्यात २४ फेब्रुवारी २०२१ राेजी विनापरवाना शस्त्र बाळगल्याप्रकरणी बाळा ऊर्फ प्रताप हणमंत पवार (२६ रा.सारोळा, ता.जामखेड, जि. अहमदनगर) याच्याविराेधात गुन्हा दाखल करण्यात आला हाेता. दरम्यान, घटनेपासून आराेपी पाेलिसांना चकवा देत फरार हाेता. सध्याला पिरंगुट येथील गणेशनगर, पुणे येथे आराेपी वास्तव्याला असल्याची माहिती लातूरच्या पाेलीस पथकाला मिळाली. ताे एका कंपनीत चालक म्हणून काम करीत असल्याची माहिती समाेर आली. याबाबत जिल्हा पाेलीस अधीक्षक निखिल पिंगळे यांनी विशेष सूचना केल्यानंतर लातूरच्या पथकाने थेट पुणे गाठले. आराेपीला पिंपरी चिंचवड परिसरातील वाकड पाेलीस ठाण्याच्या हद्दीतून अटक करण्यात आली आहे. अटकेतील आराेपी हा सराईत गुन्हेगार असल्याचे पाेलिसांनी सांगितले. त्याच्याविराेधात लातूर ग्रामीण, किनगाव, रेणापूर, पुणे-हिंजवडी, पुणे-दत्तवाडी येथील पाेलीस ठाण्यात विनापरवाना शस्त्र बाळगणे, दराेडा टाकणे यासारखे गंभीर गुन्हे दाखल आहेत. आराेपीला लातूरच्या न्यायालयात हजर केले असता २४ सप्टेंबरपर्यंत पाेलीस काेठडी सुनावली आहे.