अध्यासी अधिकारी सतीश देशमुख यांच्या अध्यक्षतेखाली ग्रामपंचायतीच्या नूतन सदस्यांची बैठक बोलाविण्यात आली होती. यावेळी सरपंचपदासाठी भाजपा तालुका महिला आघाडीच्या उपाध्यक्षा अश्विनी ज्योतीराम घाडगे व महाविकास आघाडीकडून बिबनबी कारभारी यांनी अर्ज दाखल केला. तसेच उपसरपंचपदी राष्ट्रवादीचे आशिष प्रभाकर पोतदार तर महाविकास आघाडीकडून अर्जुन शिंदे यांनी अर्ज दाखल केला. बहुमतामुळे सरपंचपदी अश्विनी घाडगे तर उपसरपंचपदी आशिष पोतदार यांची निवड झाली.
निवडणूक निर्णय अधिकाऱ्यांना ग्रामविकास अधिकारी डी.आर. फड व तलाठी गहिरवार यांनी सहाय्य केले. यावेळी पंचायत समिती सदस्य गोविंद मुडबे, किल्लारी ठाण्याचे म्हेत्रेवार, अमोल गुंडे, चपटे, यादव, मुळे, नवनिर्वाचित ग्रामपंचायत सदस्य अनिल कोळी, मधुकर पवार, बंडू देडे, संजीवनी कुंभार, सीता गाडेकर, अर्जुन शिंदे, बिबनबी कारभारी, मिनाबाई देडे, कविता पाटवदकर आदी उपस्थित होते. नूतन सरपंच, उपसरपंच व सदस्यांचा सत्कार करण्यात आला.