कोल्हापूर : दी इन्स्टिट्यट ऑफ चार्टर्ड अकाउंटंटस् ऑफ इंडिया (आय.सी.ए.आय.) कोल्हापूर शाखेच्या अध्यक्षपदी सीए तुषार अंतूरकर यांची, तर उपाध्यक्षपदी सुशांत गुंडाळे यांची निवड झाली. या इन्स्टिट्यूटच्या कार्यकारी समितीची बैठक शनिवारी झाली. त्यामध्ये २०२१-२०२२ या वर्षासाठी नूतन पदाधिकाऱ्यांची निवड करण्यात आली.
चेतन ओसवाल यांची सचिवपदी, तर अमित शिंदे यांची कोषाध्यक्षपदी निवड झाली. मावळते अध्यक्ष अनिल चिकोडी यांच्याकडून अंतूरकर यांनी अध्यक्षपदाचा कार्यभार स्वीकारला. या इन्स्टिट्यूटच्या कार्यकारी समितीचा कार्यकाळ हा त्रैवार्षिक असतो. त्यामध्ये दरवर्षी पदाधिकाऱ्यांची फेरनिवड करण्यात येते. व्यावसायिक, नोकरदार वर्ग, मध्यम व लघु उद्योजकांना येणाऱ्या आयकर आणि वस्तू व सेवाकरविषयक समस्या सोडविण्यासाठी प्रयत्नशील राहीन. सीए सभासदांच्या उपयुक्ततेचे विविध कार्यक्रम वर्षभरात घेतले जातील. विद्यार्थ्यांना अभ्यासक्रम आणि परीक्षांबाबत मार्गदर्शन करण्यात येईल. विविध शाळा व शैक्षणिक संस्थांमध्ये उपक्रम राबवून विद्यार्थ्यांमध्ये सीए अभ्यासक्रमाबाबत जागरूकता केली जाईल, असे अंतूरकर यांनी सांगितले. दरम्यान, आय.सी.ए.आय. कोल्हापूर शाखेची स्थापना सन १९८१ मध्ये झाली आहे. या शाखेशी ६०० सभासद आणि ३००० विद्यार्थी संलग्न आहेत.
फोटो (०३०३२०२१-कोल-तुषार अंतुरकर (प्रेसिडेंट), सुशांत गुंडाळे (व्हाईस प्रेसिडेंट)