लोकमत न्यूज नेटवर्क
कोल्हापूर : कोल्हापूर ते भोगावती या मार्गावर पुईखडी टेकडीनजीक भरधाव दुचाकी घसरून तिघेजण जखमी झाले. सोमेश राजू जगताप (वय २५), अजय उदय चुडेकर (२६), समर्थ प्राकश बजंत्री (सर्व रा. जुना वाशीनाका, कोल्एापूर) अशी जखमींची नावे आहेत. ही घटना मंगळवारी रात्री घडली. त्यांच्यावर सीपीआर रुग्णालयात उपचार सुरू आहेत.
विष प्राशनाने नेबापूरच्या युवकाचा मृत्यू
कोल्हापूर : शेतीवर फवारणी करणारे विषारी तणनाशक प्राशन केल्याने युवकाचा मृत्यू झाला. अभिषेक विलास कुंभार (वय २२, रा. नेबापूर, ता. पन्हाळा) असे जखमीचे नाव आहे. त्याने मंगळवारी सायंकाळी आपल्या राहत्या घरी विषारी द्रव्य प्राशन केेले. त्याच्यावर पन्हाळा येथे प्रथमोपचार करून त्याला रात्री सीपीआर रुग़्णालयात उपचारासाठी दाखल केले होते. बुधवारी पहाटे त्याचा मृत्यू झाला. त्याची नोंद सीपीआर पोलीस चौकीत झाली आहे. तो सेंट्रिंग काम करत होता. त्याच्या पश्चात आई, बहीण असा परिवार आहे.
दुचाकी घसरुन दोघे जखमी
कोल्हापूर : तावडे हॉटेलनजीक दुचाकी घसरुन दोघे स्वार जखमी झाले. राकेश अनंत गावडे (वय २६), आकाश सुनील गावडे (२२ दोघेही रा. आंबोली, ता. सावंतवाडी, जि. सिंधुदुर्ग) अशी जखमींची नावे आहेत. ही घटना बुधवारी सकाळी घडली. त्यांच्यावर सीपीआर रुग्णालयात उपचार सुरू आहेत.