या नोकरीचा राजीनामा देऊन गणेश यांनी निगवे खालसा येथील संस्था चालविण्यास घेतली. सुरुवातीला तिचे स्वरूप एका नेटकॅफेसारखे होते. प्रारंभी, पाच विद्यार्थी होते. आपल्या संस्थेची कॉम्प्युटर सेंटर म्हणून व्याप्ती वाढविण्यासाठी गणेश यांनी परिसरातील विविध शाळांना भेटी देऊन संगणक शिक्षणाचे महत्त्व सांगत मार्केटिंग केले. कमी शुल्क आणि विद्यार्थ्यांच्या वेळेनुसार बॅचेस केल्या. स्वत: तयार केलेल्या नोटस्‌ त्यांना मराठीत उपलब्ध करून दिल्या. प्रात्यक्षिकांवर भर देत शिक्षण दिले. त्यामुळे विद्यार्थ्यांचा प्रतिसाद वाढला. मात्र, परवानगी घेण्याबाबतची तांत्रिक माहिती नसल्याने सेंटरविरोधात तक्रार झाली. त्यानंतर रीतसर परवानगी घेऊन श्री तुळजाभवानी इन्फोटेकची दमदारपणे सुरुवात केली.
याकामी त्यांना पत्नी गौरी, मावसभाऊ कैलास शिंदे यांची मदत होते. त्यांना मावशी पौर्णिमा, सुवर्णा, अनिता यांचेही पाठबळ आहे. इन्फोटेकच्या माध्यमातून शालेय विद्याथ्यार्साठी मॅथ्स मस्ती आणि अबॅकस स्पर्धा घेण्यात आली. कोरोनाच्या कालावधीत राष्ट्रवादी वेलफेअर फंडच्या माध्यमातून कलाकारांना एकूण ९ लाखांची ऑनलाइन आर्थिक मदत करण्याची जबाबदारी गणेश यांनी पार पाडली. नॅशनल यूथ कौन्सिलिंग संस्थेच्या जिल्हा सचिवपदी ते कार्यरत आहेत. पुढे इन्फोटेकची मंगळवारपेठ, ताराबाई पार्क परिसरात शाखा सुरू करायची आहे. वय वर्षे १२ ते १४ पर्यंतच्या विद्यार्थ्यांसाठी रोबेटिक, ब्रेन डेव्हलपमेंटचे अभ्यासक्रम सुरू करायचे त्यांचे ध्येय आहे. यापुढील आयुष्यात, दैनंदिन जीवनामध्ये डिजिटलची व्याप्ती वाढणार आहे. त्यामुळे प्रत्येकाने डिजिटल, तांत्रिक कौशल्ये आत्मसात करावीत. या क्षेत्रात करिअर करणाऱ्या तरुणाईने नवकौशल्ये आत्मसात करण्यासह संशोधन आणि ज्ञान, माहितीने अपडेट राहण्यावर भर देणे आवश्यक असल्याचे गणेश यांनी सांगितले.
चौकट
मुलांच्या रोजगाराचा प्रश्न निकाली
विद्यार्थ्यांना तंत्रकुशल करण्यासाठी शास्त्रीनगर, सम्राटनगर, वाय.पी. पोवारनगर, यादवनगर, शिवाजी उद्यमनगर, आदी परिसरातील दरवर्षी ६० विद्यार्थी शिक्षण घेतात. या इन्फोटेकच्या माध्यमातून गणेश भोसले एमएस ऑफिस, टॅली, टायपिंगसह (मराठी, हिंदी), वेबपेज तयार करणे, डिजिटल मार्केटिंग, अकाउंट सांभाळणे आदींचे शिक्षण, प्रशिक्षण दिले जाते. या माध्यमातून मुलांच्या रोजगाराचा प्रश्न निकालात निघतो.