घोसरवाड (ता. शिरोळ) येथील लेल्या कमल प्रकाश नरदे (रा. घोसरवाड) यांच्या शेतातील ऊसाला तोड आली होती. जवाहर साखर कारखान्यामार्फत संजय जगन्नाथ शिंदे (रा. जंगमवाडी) यांच्या ऊसतोड मशीनने ऊसतोड सुरू होती. दुपारी साडेतीनच्या सुमारास मशीनने अचानक पेट घेतला. मशीनचालकाने सावधगिरी बाळगत उसापासून लांब रिकाम्या शेतात मशीन पळवत दिले. तोपर्यंत मशीनने पेट घेतला होता. गुरुदत्त शुगर्सच्या अग्निशामक दलाने तत्काळ धाव घेऊन आग विझविण्याचा प्रयत्न केला. मात्र तोपर्यंत सर्व मशीन जळून गेले होते. या घटनेची नोंद कुरुंदवाड पोलीस ठाण्यात आली असून, ए. बी. नागरगोजे यांनी पंचनामा केला.
फोटो - २६०२२०२१-जेएवाय-१०
फोटो ओळ - घोसरवाड (ता. शिरोळ) येथे ऊसतोड मशीनने अचानक पेट घेतल्याने मशीन जळून खाक झाले.