कोल्हापूर : शिवाजी विद्यापीठातर्फे विविध पदवी व पदव्युत्तर अशा सात परीक्षांचे निकाल शनिवारी जाहीर झाले. तर नैसर्गिक आपत्तीमुळे रद्द झालेल्या परीक्षा दिवसभरात ऑनलाईन पद्धतीने झाल्या.
दिवसभरात सात परीक्षांचे निकाल जाहीर करण्यात आले. यात एम.ए (सेमीस्टर-३), एम.ए. मराठी (सेमीस्टर ३, ४), एम.ए. इतिहास (सेमीस्टर-३), बी.टेक.सीबीसीएस (सेमीस्टर ५), बी.ई. ॲण्ड बी.टेक (सेमीस्टर ६), बी.ई (सेमीस्टर -८) या परीक्षांचा समावेश आहे. नैसर्गिक कारणास्तव रद्द झालेल्या परीक्षा शनिवारी व रविवारी घेतल्या जात आहेत. शनिवारी या परीक्षेसाठी १३ हजार ९४० विद्यार्थ्यांपैकी १२ हजार ४५ विद्यार्थ्यांनी ही परीक्षा ऑनलाईन पद्धतीने दिली. विद्यार्थ्यांना येणाऱ्या अडचणींचे निराकरण करण्यासाठी विद्यापीठ परीक्षा विभाग व संगणक प्रणाली पुरवठादार कंपनीची यंत्रणा कार्यरत होती. आजअखेर २२२ परीक्षांचे निकाल घोषित करण्यात आले आहेत.