कोल्हापुरात रेडीरेकनरचे दर जैसे थे दरात कोणतीही वाढ नाही : बांधकाम व्यावसायिकांना दिलासा

कोल्हापूर : बांधकाम व्यवसायात असणारी मंदी विचारात घेता २०१८-१९ या आर्थिक वर्षात राज्यातील खुली जागा, निवासी जागेच्या रेडीरेकनर दरात वाढ न करता ते ‘जैसे थे’ राहणार आहेत. त्याबाबतचे आदेश पुणे येथे नोंदणी महानिरीक्षक अनिल कवडे यांनी शनिवारी दिले. त्यामुळे कोल्हापुरातील रेडीरेकनरचे दरही गेल्यावर्षीप्रमाणेच राहणार आहेत. परिणामी, जमीन व्यावसायिक आणि बांधकाम व्यावसायिकांना दिलासा मिळाला आहे.दरवर्षी रेडीरेकनरच्या दरात आठ ते दहा टक्क्यांची वाढ करून ते १ एप्रिलपासून जाहीर केले जातात; पण यंदा संपूर्ण राज्यभरात बांधकाम व्यवसायात असलेल्या मंदीचा विचार करता तसेच ‘२०२२ पर्यंत सर्वांना घरे’ हे शासनाचे स्वप्न साकारण्यासाठी राज्यातील रेडीरेकनरचे दर गतवर्षीप्रमाणे ठेवण्याचे आदेश देण्यात आले आहेत.

क्रिडाई आणि विविध ग्राहक संघटनांच्या वतीने मुख्यमंत्री देवेंद्र फडणवीस आणि महसूलमंत्री चंद्रकांत पाटील यांच्याकडे रेडीरेकनर दराबाबत चर्चा केली होती. अनेक मोठमोठ्या इमारती बांधून त्यातील फ्लॅट विक्रीविना पडूनच आहेत. त्यामुळे अनेक बांधकाम व्यावसायिक अडचणीत सापडले आहेत. याचा विचार करून नोंदणी महानिरीक्षकांनी हे दर ‘जैसे थे’ ठेवण्याचे आदेश दिले.रेडीरेकनरचे चौरस मीटरचे दर (ठिकाण, खुली जागा, निवासी दर रुपये)ताराबाई रोड ते वरुणतीर्थ वेश परिसर : २४३१०, ३८८००महाद्वार रोड ते खरी कॉर्नर ते बिनखांबी गणेश मंदिर : ३८०८०, ४२०००बिनखांबी गणेश मंदिर ते मिरजकर तिकटी : ४२३८०, ४२२५०महाद्वार रोड, मेन रोड : ५१७००, ४९९५०गुजरी ते जोतिबा रोड : ५०६००, ५५२७०भेंडे गल्ली परिसर : ४८६८०, ५१०७०भाऊसिंगजी रोड ते भवानी मंडप : ५४०९०, ५६४७०व्हीनस कॉर्नर ते दाभोळकर चौक : ४१६९०, ४७४८०शाहूपुरी व्यापार पेठ परिसर : ३५७२०, ४७०२०दाभोळकर चौक ते महादेव मंदिर, ताराराणी चौक परिसर : ४८३८०, ५२३५०राजारामपुरी मेन रोड : ४४१९०, ४७९४०रुईकर कॉलनी परिसर : १९२५०, ४२५००हिंमतबहाद्दूर परिसर, सरलष्कर पार्क : १८८५०, ४३९८०प्रतिभानगर, शास्त्रीनगर परिसर : १०३४०, ३९६५०खानविलकर पेट्रोल पंप ते महावीर कॉलेज परिसर : २०५००, ४४६००साकोली कॉर्नर ते रंकाळा : १६०१०, ३८२००फिरंगाई परिसर (शिवाजी पेठ) : १३२००, ३६११०बेलबाग परिसर : ८७२०, ३१३५०शाहू व शिवाजी स्टेडियम परिसर : १०४७०, ३१३८०गोखले महाविद्यालय परिसर : १३९६०, ३३६९०बिंदू चौक, मिरजकर तिकटी परिसर : ३४२३०,३६२९०सुभाषनगर परिसर : ५७५०, ३१३००बाबा जरगनगर मेन रोड : ५०१०, ३००३०असेंब्ली रोड ते जिल्हाधिकारी कार्यालय : २५७४०, ४६४६०माळी कॉलनी, टाकाळा परिसर : १४०५०, ३९९००शिवाजी पार्क परिसर : २२९९०, ४२६२०मार्केट यार्ड, जाधववाडी परिसर :७८३०, ३७६४०रेडीरेकनरचे दर वाढले की त्या प्रमाणात स्टॅम्प ड्यूटी, महापालिका चार्जेस, इन्कम टॅक्समध्ये आपोआपच वाढ होते. त्यामुळे बांधकाम व्यावसायिक अडचणीत आले असल्याचा विचार करून पालकमंत्री चंद्रकात पाटील यांनी गृहदालन प्रदर्शनामध्ये रेडीरेकनरचे दर ‘जैसे थे’चे दिलेले आश्वासन पाळले. दर कायम राहण्यामुळे बांधकाम व्यावसायिकांना मोठा दिलासा मिळाला आहे.- महेश यादव,अध्यक्ष, क्रिड ई कोल्हापूर