प्रांताधिकारी बाबासाहेब वाघमोडे यांना राज्य सचिव राजेंद्र गड्यान्नावर, तालुकाध्यक्ष दिलीप बेळगुद्री यांच्या नेतृत्वाखालील शिष्टमंडळाने भेटून हे निवेदन दिले.
निवेदनात म्हटले आहे, ई-पीक पाहणी नोंदीचा ॲप वापरण्यासाठी ॲण्ड्रॉईड मोबाईल विकत घेणे अल्प व अत्यल्प भू-धारक शेतकऱ्यांना शक्य नाही. असा मोबाईल हाताळण्याचे ज्ञान त्यांना अवगत नाही. डोंगराळ व दुर्गम भागात अद्यापही मोबाईल टॉवर नाहीत. तसेच ज्या ठिकाणी टॉवर आहेत त्या ठिकाणीही पूर्ण क्षमतेने रेंज मिळत नाही. त्यामुळे अशक्यप्राय ई-पीक पाहणीचा गोंधळ तातडीने थांबवावा.
शिष्टमंडळात बसवराज संभाजी, चेतन लोखंडे, अनंत शिंदे, बाबान्ना पाटील, बसवराज मुत्नाळे, रोहन पाटील, कांतू बेडक्याळे, शंकर यादगुडे, निजगोंडा पाटील आदींचा समावेश होता.
चौकट :
शिक्षण बंद..पीक नोंद कशी करणार?
कोरोनाच्या पार्श्वभूमीवर गेल्या दोन वर्षांपासून ऑनलाईन पद्धतीने शिक्षण सुरू आहे. परंतु, डोंगर व दुर्गम भागातील शेतकऱ्यांकडे ॲण्ड्रॉईड मोबाईल आणि इंटरनेट / मोबाईल टॉवरची सुविधा उपलब्ध नसल्याने अनेक विद्यार्थी शिक्षणापासून वंचित राहिले आहेत. अशा परिस्थितीत ई-पीक पाहणी कशी शक्य होणार. ? असा सवाल निवेदनातून विचारण्यात आला आहे.
फोटो ओळी : गडहिंग्लज येथे स्वाभिमानी शेतकरी संघटनेतर्फे प्रांताधिकारी बाबासाहेब वाघमोडे यांना निवेदन देण्यात आले. यावेळी राजेंद्र गड्यान्नावर, दिलीप बेळगुद्री व कार्यकर्ते उपस्थित होते.
क्रमांक : १५०९२०२१-गड-१०