प्रीमियर लीगसाठी खेळाडू सज्ज

पहिलीच स्पर्धा : शैबाज पठाणवर सर्वाधिक बोली, चेंडूचे अनावरण

राजापूर : आयपीएल क्रिकेटस्पर्धेच्या धर्तीवर राजापुरात प्रथमच आयोजित करण्यात येत असलेल्या राजापूर अंडरआर्म प्रीमिअर लीगच्या लोगोचे व स्पर्धेतील चेंडूचे अनावरण आणि या स्पर्धेत सहभागी होणाऱ्या खेळाडूंचा लिलाव रविवारी राजापूर हायस्कूलच्या कलामंदिर सभागृहात पार पडला. लिलावामध्ये सर्वाधिक बोली राजापुरातीलच शैबाज पठाणवर लागली. त्याला राजापूर रॉयल्सने ८ हजार रूपयांना विकत घेतले.लिलाव झालेल्या सर्व खेळाडूंशी दोन वर्षांचा करार केला जाणार असून, हा करार त्यांचेवर बंधनकारक राहणार आहे. आता दि. २४ ते २६ जानेवारी २०१५ या कालावधीत शहरातील कै. द. ज. सरदेशपांडे खुल्या नाट्यगृहाच्या जागेत प्रकाशझोतातील क्रिकेटचा महासंग्राम रंगणार आहे.राजापूर हायस्कूलच्या कलामंदिर सभागृहात व्यंकटेश तानवडे व शर्मद, अ‍ॅड. शशिकांत सुतार यांच्या हस्ते लोगोचे अनावरण, तर राजापूर तालुका प्रेस कलबचे सल्लागार महेश शिवलकर यांच्याहस्ते चेंडूचे अनावरण करण्यात आले. त्यानंतर या स्पर्धेत सहभागी होऊ इच्छिणाऱ्या ११९ खेळाडूंचा लिलाव करण्यात आला. यामध्ये तालुक्यातील तसेच तालुक्याबाहेरील खेळाडूंचा समावेश होता. राजापुरातील शैबाज पठाण याने बाजी मारली. त्याला ८ हजार रूपयांना प्रवीण तोरस्कर मालक असलेल्या राजापूर रॉयल्स संघाने विकत घेतले. याशिवाय नितिश कुडाळी, प्रथमेश सूद, निनाद शिर्सेकर, वैभव चव्हाण, मुनसिब मुल्ला, समीर नवाळे, वैभव नागवेकर, अशपाक गडकरी, संकेत गुरव, रविश सय्यद आदी खेळाडूंसाठीही बोली लावण्यात आली. यावेळी सहयोग असोसिएटसचे व्यंकटेश तानवडे, शर्मद, राजापूरचे कार्याध्यक्ष अड. शशिकांत सुतार, राजापूर तालुका प्रेस कलबचे सल्लागार महेश शिवलकर, अध्यक्ष सुंदर पाटणकर तसेच नगरसेवक संजय ओगल, रवींद्र बावधनकर, हनिफ मुसा काझी आरयुपीएलचे संयोजक स्वप्नील गोठणकर, नीलेश रहाटे, महेश मणचेकर, सुबोध बाकाळकर, जगदीश ठोसर, सचिन अणसुरकर, दिनेश पवार, निलेश खानविलकर, सुशील टिळेकर, राजन करंगुटकर, परेश शिंदे, विनायक जोगले, सुनील जाधव, माधव चव्हाण, संजय पवार आदी मान्यवर उपस्थित होते. सूत्रसंचालन स्वप्नील गोठणकर, प्रास्ताविक संजय मांडवकर यांनी केले. लिलाव पुकारणी जितेंद्र मालपेकर यांनी केली. दि. २४ ते २६ जानेवारी २०१५ या कालावधीत शहरातील कै. द. ज. सरदेशपांडे खुल्या नाट्यगृहाच्या जागेत दररोज सायंकाळी ६ ते रात्री ११ वाजेपर्यंत क्रिकेटचा महासंग्राम रंगणार आहे. तालुक्यातील शौकिनांसाठी ही पर्वणी आहे. (प्रतिनिधी)सर्वाधिक बोली मिळालेले पहिले पाच खेळाडू - शैबाज पठाण, राजापूर (८ हजार रूपये) राजापूर रायल्स, मंदार सनगरे, रत्नागिरी (६ हजार रूपये) राजापूर लायन्स, नितिश कुडाळी, राजापूर (६ हजार रूपये) राजापूर नाईट रायडर्स, प्रथमेश सूद, राजापूर (५ हजार ३०० रूपये) राजापूर फिनिक्स, अमर भोंगाळे, चिपळूण (५ हजार रुपये) राजापूर रॉक्स.संघाचे नावसंघमालकांचे नावराजापूर इंडियन्सरवींद्र बावधनकरराजापूर फिनीक्सतुकाराम गुरवराजापूर लायन्ससंजय दुधवडकरराजापूर नाईट रायडर्सहनिफ मुसा काझीराजापूर रॉक्ससुशांत मराठेराजापूर ब्रिगेडिअर्सअझिम चौगुलेराजापूर टायगर्सविनय गुरवराजापूर रॉयल्सप्रवीण तोरस्करआयपीएलच्या धर्तीवर राजापुरात प्रथमच स्पर्धा. कलामंदिर सभागृहात खेळाडूंसाठी लिलाव.११९ खेळाडूंचा लिलाव. २४ ते २६ जानेवारी दरम्यान स्पर्धा रंगणार. महासंग्रामासाठी राजापूर सज्ज. सर्वत्र उत्साह.