कोल्हापूर : नामदार हसन मुश्रीफ फौंडेशनच्या वतीने साहस फौंडेशनला एक लाखाची आर्थिक मदत देण्यात आली. मदतीचा धनादेश फौंडेशनचे अध्यक्ष व ‘गोकुळ’चे संचालक नवीद मुश्रीफ यांनी ‘साहस डिसॅबिलिटी रिसर्च ॲण्ड केअर फौंडेशनच्या संस्थापिका डॉ. नसीमा हुरजूक यांच्याकडे सुपुर्द केला.
डॉ. नसीमा हुरजूक म्हणाल्या, ग्रामविकास मंत्री हसन मुश्रीफ यांचा सामाजिक कार्याचा आलेख प्रचंड आहे. त्यांचाच सामाजिक वारसा नवीद मुश्रीफ समर्थपणे पुढे चालवीत आहेत. अपंगांना रोजगार देऊन त्यांना स्वतःच्या पायावर जगण्यासाठी सक्षम करणे, हे ‘साहस’चे मुख्य उद्दिष्ट आहे. फौंडेशन व दिव्यांग निधीतून कोल्हापूर शहरासह मुंबई, पुणे, सातारा, सांगली या ठिकाणी दिव्यांगांसाठी सोयीस्कर वसतिगृहांची सोय करणार असल्याचाही मानस त्यांनी व्यक्त केला.
नवीद मुश्रीफ म्हणाले, डॉ. नसीमा हुरजूक यांचे दिव्यांगांना सन्मानाने जगणे मिळवून देण्याचे कार्य अनमोल आहे. त्यांच्या या महान कार्यात खारीचा वाटा म्हणून आपलेही थोडे योगदान असावे, या कर्तव्यभावनेने आमची ही मदत आहे. यावेळी सीताराम पाटील, के. डी. पाटील, मधुताई पाटील, रंजना पाटील उपस्थित होते.
फोटो ओळी : नामदार हसन मुश्रीफ फौंडेशनच्या वतीने ‘साहस फौंडेशन’ला एक लाख मदतीचा धनादेश नविद मुश्रीफ यांच्या हस्ते डॉ. नसीमा हुरजूक यांच्याकडे सुपुर्द करण्यात आला. (फाेटो-०६०७२०२१-कोल-मुश्रीफ फौंडेशन)