पोलिसांतून मिळालेली माहिती अशी, विष्णू व अप्पासाहेब हे दोघे एकाच भावकीतील आहेत. त्यांच्यात शेतातील बांधाच्या कारणावरून वाद आहे. शनिवारी दुपारी अप्पासाहेब हे बांधावरील गवत कापत होते. त्यावेळी विष्णूने गवत कापण्यावरून त्यांच्याशी वाद केला आणि हातातील खुरप्याने त्यांच्या दोन्ही पायांवर वार केले व तेथून पळ काढला. अप्पासाहेब यांनी आरडाओरडा केला. त्यामुळे त्यांचा मुलगा लक्ष्मण उंदुरे, सून व शेजाऱ्यांनी घटनास्थळी धाव घेतली.
दरम्यान, रक्तस्राव अधिक होत असल्याने त्यांना गडहिंग्लज येथील खाजगी रुग्णालयात नेण्यात आले; परंतु उपचारापूर्वीच त्यांचा मृत्यू झाला. त्यांच्या पश्चात पत्नी, दोन मुलगे, सुना - नातवंडे असा परिवार आहे.
लक्ष्मण उंदुरेे यांच्या फिर्यादीवरून विष्णू उंदुरे याच्याविरुद्ध संकेश्वर पोलिसांत गुन्हा नोंद झाला आहे.