ठळक मुद्देपतंगाच्या मांज्यात अडकलेल्या कबूतरास जीवदान अग्निशमन दलाकडून सुखरूप सुटका
कोल्हापूर : संभाजीनगर बसस्थानकाजवळील विजयनगरमध्ये निलगिरीच्या झाडावर पतंगाच्या मांज्यात एक कबूतर अडकले. याची माहिती मिळताच अग्निशमन दलाच्या जवानांनी तत्काळ धाव घेत त्याची सुखरूप सुटका केली.विजयनगर भागातील नागरिक सुरेश फडतारे यांनी आपल्या घराजवळील निलगिरीच्या झाडावर पतंगाच्या मांज्यामध्ये कबूतर अडकल्याची माहिती नगरसेविका दीपा मगदूम यांना दिली. त्यांनी ही बाब अग्निशमन दलास कळविली.
छत्रपती राजाराम टिंबर मार्केट येथे असणाऱ्या फायर स्टेशनमधील अग्निशमन दलाचा एक बंब जवानांसह तत्काळ तेथे दाखल झाला. निलगिरीचे झाड उंच असल्याने तेथपर्यंत पोहोचणे अशक्य होते. तत्काळ बूम वाहन मागविण्यात आले. अथक परिश्रमांनंतर या कबूतराचा जीव वाचविण्यात अग्निशमन दलाच्या जवानांना यश आले.