ठळक मुद्देवीज बिल माफीमध्ये तोडगा काढू : शरद पवारराजू शेट्टी यांचे वीजबिल माफीची मागणी
जयसिंगपूर : लॉकडाऊनमुळे ६ ते ७ महिन्यांच्या काळात रोजीरोटीच बंद असल्याने सर्वांचीच दमछाक झाली आहे. यामुळे लॉकडाऊन काळातील घरगुती व शेतीपंपाची वीजबील माफी करण्यासंदर्भात सरकारने तातडीने कार्यवाही करण्याची मागणी माजी खासदार राजू शेट्टी यांच्यासह शिष्टमंडळाने राष्ट्रवादीचे नेते खासदार शरद पवार यांच्याकडे केली.
लॉकडाऊनच्या काळातील घरगुती व शेतीपंपाचे वीज बील माफीमध्ये योग्य तोडगा काढू, असे आश्वासन खासदार पवार यांनी यावेळी दिले. यावेळी महाराष्ट्र वीज ग्राहक संघटनेचे अध्यक्ष प्रताप होगाडे , महाराष्ट्र राज्य इरिगेशन फेडरेशनचे बाबासो पाटील भुयेकर , विक्रम पाटील किणीकर , रावसाहेब तांबे , शैलेश चौगुले यांचेसह पदाधिकारी उपस्थित होते.