गुन्हेगारी क्षेत्रात एखाद्याचा सहभाग होता का? हे प्रत्यक्षदर्शी पाहणाऱ्याकडून ओळख परेडद्वारे सिद्ध होते. ओळख परेड ही किती महत्त्वाची आहे याची जाणीव होते. पण, सध्या नावावरून ओळख परेड घेण्याचा नवा पायंडा ‘खाकी’तील काही कनिष्ठ अधिकाऱ्यांनी आणून नवीन वरिष्ठ अधिकाऱ्यांच्या दिशाभूलचा प्रयन्न सुरू केलाय. अशा गुन्हेगारांची नावे गोपनीय ठेवण्यामागचे रहस्य काय, असाही प्रश्न ‘खाकी’तील चाणाक्ष सहकाऱ्यांना पडला. शाहू नगरीत लूटमारीतील आरोपी गजाआड डांबले, न्यायदेवतेनेही त्यांना कोठडी दिली, तरीही त्यांची नावे जाहीर करण्यापेक्षा मी त्यांना कसे पकडले, याचीही कीर्ती मिळवण्यासाठी आणि ‘ओळख परेड’च्या नावाखाली त्यांची नावे पडद्यामागे झाकणाऱ्याचे रहस्य साहेबांनीच उलगडले अन् साहेबांनीच त्या अधिकाऱ्यांची खरी ओळखपरेड घेतली.
- तानाजी पोवार, कोल्हापूर