कोलोलीच्या युवकाचा अपघाती मृत्यू

कश्मीरमध्ये दुचाकी सफरीवेळी दुर्घटना

कोतोली : कोलोली (ता. पन्हाळा) येथील विक्रम पांडुरंग चव्हाण याचा जम्मू-काश्मीरमध्ये अपघाती मृत्यू झाला. विक्रम चव्हाण हा पुणे येथील सिंटेल या कंपनीमध्ये सीनिअर प्रोजेक्ट मॅनेजर म्हणून काम करीत होता. तसेच तो आॅल इंडिया बुलेट क्लब दिल्ली व पुण्याच्या फायर लॉडस् संस्थेचा सदस्य होता. मूळचे कोतोली येथील पण पुणे येथे स्थायिक युको बँकेचे सेवानिवृत्त अधिकारी पांडुरंग दौलू चव्हाण यांचा तो चिरंजीव. विक्रम मित्रांसमवेत लेह-लडाखला सहलीसाठी गेला होता. तो मोटारसायकलवरून कारगील लेह-लडाख-चंदीगड असा प्रवास करीत होता. जम्मू पटनी टॉप-श्रीनगर मार्गावर रामबाण येथे ट्रकला पास करताना मोटारसायकल घसरली. यामध्ये विक्रम हा ट्रकच्या मागच्या चाकामध्ये सापडून त्याचा जागीच मृत्यू झाला. विक्रमच्या पश्चात आई-वडील, पत्नी व चार वर्षांची लहान मुलगी आहे.