नाईट लँडिंगसाठी येणारे शक्य ते अडथळे त्वरित दूर करा

कोल्हापूर विमानतळावर होणाऱ्या मोठ्या विमानांच्या नाईट लँडिंगमध्ये काही अडथळे येत आहेत. या अडथळ्यांबाबत दोन दिवसांपूर्वी पालकमंत्री सतेज पाटील, खासदार संजय मंडलिक आणि आमदार ऋतुराज पाटील यांच्या उपस्थितीत विमान प्राधिकरणाच्या अधिकाऱ्यांसोबत बैठक झाली होती. त्या बैठकीत अडथळ्यांच्या ठिकाणी प्रत्यक्ष भेट देण्याचे नियोजन केले होते. यानुसार रविवारी सकाळी आठ वाजल्यापासून पालकमंत्री पाटील, खासदार मंडलिक, आमदार पाटील यांनी विमानतळ प्राधिकरणाचे अधिकारी, प्रांताधिकारी, तहसीलदार, संबंधित सर्व विभागांच्या अधिकाऱ्यांसोबत प्रत्यक्ष जागेवर जाऊन अडथळ्यांची पाहणी केली. या अडथळ्यांमध्ये वीजचे खांब, झाडे, उंच इमारती, पाण्याची टाकी, जाहिरातींचे फलक, मोबाईल टॉवर यांचा समावेश आहे. यापैकी विजेचे खांब, झाडे, जाहिरातींचे फलक हे अडथळे हटवणे तत्काळ शक्य असल्याने ते त्वरित हटवावेत, अशा सूचना पालकमंत्री पाटील यांनी संबंधित अधिकाऱ्यांना दिल्या. त्यानंतर शाहू जकात नाका परिसरातील वैभव हाऊसिंग सोसायटी टेकडावर वसलेली असल्याने तेथील घरांसह इलेक्ट्रिक पोल, मोबाईल टॉवरचा अडथळा निर्माण झाल्याने तेथील मिळकत धारकांसोबत बैठक घेण्यात आली. या बैठकीत खासदार मंडलिक यांनी विमान प्राधिकरणाच्या सर्व्हे टीमला परत एकदा बोलावून त्यांच्याशी प्रत्यक्ष अडथळ्यांच्या ठिकाणी पुन्हा एकदा भेट देऊन चर्चा करून या अडथळ्यांबाबत इतर काही मार्ग काढता येईल का? याचा प्रयत्न करणार असल्याचे सांगितले. यावेळी आर्किटेक्ट महेश नामपूरकर, विमान प्राधिकरणाचे अन्य अधिकारी उपस्थित होते.

चौकट

धावपट्टी विस्तारीकरणाबाबत चर्चा

आमदार ऋतुराज पाटील यांनी विमानतळाच्या प्रलंबित कामांबाबत विमानतळ प्रत्यक्ष ठिकाणी भेट देऊन आढावा घेतला. या वेळी त्यांनी विमानतळ अंतर्गत करण्यात येणारे सुशोभीकरण, नाईट लँडिंगसाठी करावी लागणारी विविध उपाययोजना, धावपट्टीचे विस्तारीकरण, अन्य विकास कामांबाबत विमान प्राधिकरणाचे संचालक कमल कटारिया यांच्याशी चर्चा केली.

फोटो (३००५२०२१-कोल-विमानतळ पाहणी ०१) : कोल्हापुरात रविवारी पालकमंत्री सतेज पाटील, खासदार संजय मंडलिक, आमदार ऋतुराज पाटील यांनी विमानमार्गातील अडथळ्यांची पाहणी केली.

===Photopath===

300521\30kol_1_30052021_5.jpg

===Caption===

फोटो (३००५२०२१-कोल-विमानतळ पाहणी ०१) : कोल्हापुरात रविवारी पालकमंत्री सतेज पाटील, खासदार संजय मंडलिक, आमदार ऋतुराज पाटील यांनी विमानमार्गातील अडथळ्यांची पाहणी केली.