‘लोकमत’ कार्यालयावर शुभेच्छांचा वर्षाव

सहावा वर्धापनदिन : कऱ्हाड येथे वाचक, जाहिरातदार, एजंट, हितचिंंतकांसह मान्यवरांची उपस्थिती

कऱ्हाड : आकर्षक विद्युत रोषणाई, फटाक्यांची आतषबाजी आणि विविध क्षेत्रांतील मान्यवरांच्या शुभेच्छा, अशा उत्साही वातावरणात ‘लोकमत’च्या कऱ्हाड कार्यालयाचा सहावा वर्धापनदिन शुक्रवारी साजरा करण्यात आला. वाचक, जाहिरातदार, एजंट, हितचिंंतक, विविध क्षेत्रांतील मान्यवरांनी स्नेहमेळाव्यास हजेरी लावून ‘लोकमत’वर शुभेच्छांचा वर्षाव केला. ‘लोकमत’ कऱ्हाड कार्यालयाच्या सहाव्या वर्धापनदिनानिमित्त पालिका शाळा क्रमांक ३ मध्ये आयोजित स्नेहमेळाव्यात सर्वप्रथम ‘लोकमत’चे संस्थापक व ज्येष्ठ स्वातंत्र्यसेनानी जवाहरलालजी दर्डा यांच्या प्रतिमेस अभिवादन करण्यात आले. त्यानंतर डॉ. दौलतराव आहेर अभियांत्रिकी महाविद्यालयाचे संस्थापक, अध्यक्ष डॉ. अशोकराव गुजर यांच्या हस्ते दीपप्रज्वलन करून मेळाव्याचे उद्घाटन करण्यात आले. यावेळी नगराध्यक्षा अ‍ॅड. विद्याराणी साळुंखे, अर्बन कुटुंबप्रमुख सुभाषराव जोशी, मुख्य कार्यकारी अधिकारी दिलीप गुरव, पोलीस उपाधीक्षक मितेश घट्टे, पोलीस निरीक्षक बी. आर. पाटील, नितीन जगताप, परिवहन अधिकारी स्टिव्हन अल्वारीस, मलकापूरचे उपनगराध्यक्ष मनोहर शिंदे आदींची उपस्थिती होती.कऱ्हाड जनता बँकेचे अध्यक्ष राजेश पाटील-वाठारकर, राष्ट्रवादीचे शहराध्यक्ष नंदकुमार बटाणे, माजी नगराध्यक्ष जयवंतराव पाटील, उमा हिंगमिरे, विजय यादव, बाजार समितीचे उपसभापती सुनील पाटील, संचालक प्रकाश पाटील, सचिन निंबाळकर, पंचायत समितीचे उपसभापती विठ्ठलराव जाधव, माजी मंत्री विलासराव पाटील-उंडाळकर, ज्येष्ठ साहित्यिक राजा मंगसुळीकर, नगरसेवक अप्पा माने, प्रमोदसिंह कदम, कृष्णा कारखान्याचे उपाध्यक्ष सुरेश पाटील, विरोधी पक्षनेत्या स्मिता हुलवान, नगरसेवक विनायक पावस्कर, नगरसेवक श्रीकांत मुळे, शारदा जाधव, विनायक विभुते यांच्यासह मान्यवरांनी शुभेच्छा देण्यासाठी गर्दी केली होती. ‘लोकमत’च्या वतीने सरव्यवस्थापक मकरंद देशमुख, संपादक वसंत भोसले, वरिष्ठ शाखा व्यवस्थापक विजय पोवार, आवृत्तीप्रमुख सचिन जवळकोटे आदींनी शुभेच्छा स्वीकारल्या. यावेळी जाहिरात विभागाचे राम जोशी, संतोष जाधव, इव्हेंटचे दीपक मनटकर, भक्ती झणझणे व तानाजी पाटील, प्रमोद सुकरे, विश्वजित गुजर आदी उपस्थित होते. कार्यक्रमाचे अबुबकर सुतार यांनी सूत्रसंचालन केले. (प्रतिनिधी)मान्यवरांकडून दूरध्वनीवरून शुभेच्छामाजी मुख्यमंत्री पृथ्वीराज चव्हाण, काँग्रेसचे जिल्हाध्यक्ष आमदार आनंदराव पाटील, शिवसेनेचे आमदार शंभूराज देसाई, कृष्णा कारखान्याचे माजी अध्यक्ष इंद्रजित मोहिते, ज्येष्ठ नेते मदनराव मोहिते, डॉ. सविता मोहिते, डॉ. अतुल भोसले यांनी दूरध्वनीवरून शुभेच्छा दिल्या.ज्येष्ठ वृत्तपत्र विक्रेत्यांच्या हस्ते प्रकाशन : ‘लोकमत’ कऱ्हाड कार्यालयाच्या वर्धापनदिनानिमित्त शुक्रवारी ‘नवी झळाळी कऱ्हाड पाटणची’ हा विशेषांक प्रसिद्ध करण्यात आला. या विशेषांकाचे प्रकाशन ज्येष्ठ वृत्तपत्र विक्रेते महादेव मारुती भंडारे यांच्या हस्ते करण्यात आले. यावेळी महादेव भंडारे यांचे चिरंजिव दिलीप भंडारे, शिवाजी भंडारे, नातू मिलिंद भंडारे, सचिन भंडारे, मयूर भंडारे, पणतू अमेय भंडारे यांच्यासह भंडारे कुटुंबीय उपस्थित होते.