काेल्हापूर : ‘गोकूळ’च्या ताराबाई पार्क कार्यालयात राजर्षी छत्रपती शाहू महाराजांच्‍या १४७ व्‍या जयंतीनिमित्त शनिवारी अभिवादन करण्यात आले. गोकूळचे अध्यक्ष विश्वास पाटील यांच्या हस्ते राजर्षी शाहूंच्या पुतळ्यास पुष्पहार अर्पण करण्यात आले.
अध्यक्ष पाटील म्हणाले, सामाजिक सुधारणांबरोबरच शाहू महाराज यांनी शेती व उद्योगधंद्यांना प्रोत्साहन दिले, अनेक कृषी व औद्योगिक प्रदर्शने भरविली, कोल्हापुरात कारखानदारीचा पाया रचला, महाराजांनी बांधलेले राधानगरी धरण कृषी क्षेत्रात कायापालट करणारा उपक्रम ठरला. त्यांनी घेतलेले क्रांतिकारक निर्णय व कल्याणकारी हुकूम आजही समाजाला मार्गदर्शक आहेत. पशुसंवर्धन विभागाचे सहायक व्यवस्थापक डॉ. प्रकाश दळवी यांनी प्रास्ताविक केले. डी. डी. पाटील यांनी आभार मानले. यावेळी ज्येष्ठ संचालक अरुण डोंगळे, अजित नरके, शशिकांत पाटील, किसन चौगले, बाबासाहेब चौगले, संभाजी पाटील, प्रकाश पाटील, सुजित मिणचेकर, बयाजी शेळके, बाळासाहेब खाडे, अंबरीष घाटगे, चेतन नरके, डॉ. यू. व्ही. मोगले, एस. व्ही. तुरंबेकर, जनसंपर्क अधिकारी सचिन पाटील आदी उपस्थित होते.
फोटो ओळी : ‘गोकूळ’मध्ये शनिवारी राजर्षी शाहू महाराज यांना अभिवादन करण्यात आले. यावेळी संभाजी पाटील, बयाजी शेळके, बाळासाहेब खाडे, अंबरीष घाटगे, अरुण डोंगळे, बाबासाहेब चौगले, विश्वास पाटील, शशिकांत पाटील, सुजित मिणचेकर, किसन चौगले, चेतन नरके, अजित नरके, संभाजी पाटील आदी उपस्थित होते. (फोटो-२६०६२०२१-कोल-गोकूळ)