'आता जर घरी थांबाल तर माझ्या पहिल्या वाढदिवसाला येऊ शकाल'

त्यातून एक सामाजिक संदेश दिला आहे. ज्यामध्ये ‘आता जर घरी थांबाल तर माझ्या पहिल्या वाढदिवसाला येऊ शकाल,’ असे लिहिले आहे.

ठळक मुद्देसामाजिक संदेश देऊन आॅनलाईन पद्धतीने नातवाचे बारसे

कोल्हापूर : लॉकडाऊन असल्यामुळे सामाजिक संदेश देऊन मनीषानगर येथील पंडितराज कर्णिक यांनी फेसबुक लाइव्हद्वारे आपल्या नातवाचे बारसे साजरे केले.

कोरोनाचा प्रादुर्भाव रोखण्यासाठी शासनाने लॉकडाऊन केले आहे. यामुळे लोकांना घरातील अनेक कार्यक्रम रद्द करावे लागले आहेत. अशा परिस्थितीमध्ये आपल्या नातवाचे बारसे साजरे करण्यासाठी पंडितराज कर्णिक आणि परिवार यांनी आॅनलाईन पद्धतीचा वापर करून एक सामाजिक संदेश देण्याचा प्रयत्न केला आहे. त्यांनी मुलासोबत फेसबुक लाइव्ह करून हा कार्यक्रम पार पाडला.

त्यातून एक सामाजिक संदेश दिला आहे. ज्यामध्ये ‘आता जर घरी थांबाल तर माझ्या पहिल्या वाढदिवसाला येऊ शकाल,’ असे लिहिले आहे. या कार्यक्रमामध्ये मुलाची आई माधुरी कुंभार, वडील अमोल कुंभार तसेच मंदाकिनी कर्णिक, मोहिनी कर्णिक, मयूर कर्णिक, अपूर्वा इंदुलकर उपस्थित होते.