कोल्हापूर : वाढते प्रदूषण कमी करण्यासाठी आणि नैसर्गिक समतोल राखण्यासाठी प्रत्येकाने झाडे लावली पाहिजेत, या भावनेतून कोल्हापुरातील कोरगावकर ट्रस्ट आणि शिरोली येथील कोरगावकर पेट्रोल पंप यांच्यामार्फत सुमारे दहा हजार रोपांचे विनामूल्य वाटप करण्यात आले. एचपीसीएलचे विभागीय सरव्यवस्थापक फाल्गुनी हलदार यांच्या हस्ते या वृक्षांच्या रोपांचे वाटप झाले.
सामाजिक जाणीव आणि पर्यावरण जपणुकीचे भान ठेवून गेल्या काही वर्षांपासून कोल्हापुरातील कोरगावकर ट्रस्टमार्फत औषधी वृक्षांची मोफत रोपटी लागवडीसाठी वाटप केली जातात. यावर्षीही सुमारे दहा हजार रोपांचे वाटप करण्यात आले. याचबरोबर ट्रस्टच्यावतीने कोरगावकर पेट्रोल पंप येथे मोफत अन्नछत्राचाही हजारो गरजूंना लाभ मिळत आहे.
कोरोनाच्या काळात प्रामुख्याने जाणवलेली ऑक्सिजनची गरज आणि त्याचबरोबर औषधी वनस्पतींची प्रतिकारशक्ती वाढविण्यासाठीची गरज लक्षात घेऊन हा उपक्रम राबविला जात असल्याची माहिती ट्रस्टचे राज कोरगावकर यांनी दिली. या विनामूल्य वृक्षरोप वाटप कार्यक्रमात हलदार यांनी झाडे केवळ न लावता ती जगवली पाहिजेत, असे आवाहन केले तसेच संकटकाळात गरिबांची भूक भागवणारा अन्नछत्राचा उपक्रमही कौतुकास्पद असल्याचे हलदार यांनी सांगितले.
यावेळी एच. पी. सी. एल.चे जनरल मॅनेजर ध्रुव कपिल, कोरगावकर ट्रस्टचे अमोल कोरगावकर, आशिष कोरगावकर, राज कोरगावकर, आकाश कोरगावकर, अनिकेत कोरगावकर, ओम कोरगावकर आदींसह शिरोली येथील कोरगावकर पेट्रोल पंप येथील कर्मचारी तसेच नागरिक उपस्थित होते.
--------------------------------
फोटो : 29072021-kol-korgaonkar trust.jpg
फोटो ओळी : कोल्हापुरातील कोरगावकर ट्रस्ट आणि शिरोली येथील कोरगावकर पेट्रोल पंप यांच्यामार्फत एचपीसीएलचे विभागीय सरव्यवस्थापक फाल्गुनी हलदार यांच्या हस्ते सुमारे दहा हजार रोपांचे विनामूल्य वाटप करण्यात आले. यावेळी राज कोरगावकर उपस्थित होते.
(संदीप आडनाईक)
290721\29kol_1_29072021_5.jpg
फोटो : 29072021-kol-korgaonkar trust.jpgफोटो ओळी : कोल्हापूरातील कोरगांवकर ट्रस्ट आणि शिरोली येथील कोरगांवकर पेट्रोलपंप यांच्यामार्फत एचपीसीएलचे विभागीय सरव्यवस्थापक फाल्गुनी हलदार यांच्या हस्ते सुमारे दहा हजार रोपांचे विनामूल्य वितरण करण्यात आले. यावेळी राज कोरगांवकर उपस्थित होते.