फुटबॉल

ताज स्पोर्टिंग क्लब विजेता
सिनिअर डिव्हिजन फुटबॉल स्पर्धा
नागपूर : ताज स्पोर्टिंग क्लबने नागपूर सिटी क्लबला पराभवाचा धक्का देत नागपूर जिल्हा फुटबॉल संघटनेच्या सिनिअर डिव्हिजन फुटबॉल स्पर्धेचे विजेतेपद पटकाविले.
दपूम रेल्वेच्या मैदानावर ताज स्पोर्टिंग क्लब -नागपूर सिटी क्लबमध्ये विजेतेपदासाठी झुंज झाली. सहाव्या मिनिटाला ताज स्पोर्टिंग क्लबकडून रेहान खानने गोल करून संघाला आघाडी मिळवून दिली.
बरोबरी साधण्यासाठी नागपूर सिटी क्लबच्या खेळाडूंनी वारंवार प्रयत्न केले पण ताज स्पोर्टिंगच्या उत्कृष्ट बचावामुळे त्यांना गोल नोंदविण्यात अपयश आले.
३० व्या मिनिटाला ताज स्पोर्टिंगच्या शहनवाज खानने गोल केला तर ५७ व ६४ व्या मिनिटाला करीम शेखने गोल करताच आघाडी ४-० अशी झाली. नागपूर सिटी क्लबच्या कलीम शेखने ८० व्या मिनिटाला गोल करून गोलसंख्या ४-१ अशी केली. अतिरिक्त वेळेत ताज स्पोर्टिंग क्लबच्या करीम शेखने गोल नोंदवून संघाला ५-१ अशा गोलफरकाने विजय मिळवून दिला. (क्रीडा प्रतिनिधी)
.............