पन्हाळ्यावर प्री-वेडिंग फोटोसाठी गर्दी

नितीन भगवान ।पन्हाळा : पारंपरिक पद्धतीने विवाह करणे आता नव्या पिढीला रुचत नसल्याने काहीतरी हटके आणि वेगळे करण्याचे ठरते. यातील विवाहपूर्व (प्री-वेडिंग) छायाचित्रणासाठी पन्हाळ्यावर गर्दी होऊ लागली आहे.रुढी-परंपरेनुसार प्रत्येक धर्माची विवाह करण्याची पद्धती वेगळी असली तरी यात सर्वांत महत्त्वाचे ठरते ते फोटोसेशन, पण हेसुद्धा पारंपरिकच. नव्या पिढीला आपल्या होणाऱ्या जोडीदाराबरोबर बोलता यावे, ओळख व्हावी, स्वभाव कळावा या हेतूने विवाहपूर्वी एकमेकांना भेटता यावे यादृष्टीने नवा फंडा निर्माण झाला. याचा परिणाम म्हणजे लग्नापूर्वी फोटोसेशन केले जाते. खरंतर हेतू चांगलाच आहे, पण फोटोसेशनमध्ये काहीतरी वेगळे करण्याचे ठरते व झाडावर चढ, उंच कड्यावर चढ आणि वेगळ्या पद्धतीने फोटो काढताना बºयाचवेळा अपघात होतात. याची नोंद कुठेही होत नाही. या अपघातामुळे होणारे विवाह लांबणीवर पडतात अथवा कटुता येते. मग असे हटके फोटो सेशन विवाहपूर्व हवेतच का? असाही प्रश्न पडतो.पन्हाळ्यावर ऐतिहासिक इमारती भरपूर आहेत. या ठिकाणी पुरातत्त्व विभाग छायाचित्र अथवा छायाचित्रणासाठी कसलीही परवानगी देत नाही. या ठिकाणी हे प्री-वेडिंग फोटोसाठी गर्दी होते. विषेशत: तीन दरवाजा, अंधारबाव व नायकिणीचा सज्जा या ठिकाणी हे फोटोसेशन होत असता पुरातत्त्वचे कर्मचारी व फोटोग्राफर यांच्यामध्ये भांडणे, प्रसंगी हातघाई होते. यातून पन्हाळ्याविषयी गैरसमज पसरवला जातो, खरंतर पन्हाळा पोलिसांनी याविषयी लक्ष घालणे जरुरीचे आहे. ऐतिहासिक, पौराणिक व निसर्गाने नटलेल्या या पन्हाळ्यावर आता आणखीन एक नवी ओळख निर्माण होते आहे. प्री-वेडिंग फोटोसेशन पण यासाठी लागणाºया परवानग्या अथवा त्याची नोंद असावी इतकीच माफक अपेक्षा आहे. निसर्गाने भरलेल्या पन्हाळ्यावर फोटो सेशन करताना पुसाटी बुरुज, तानपीर परिसर हा भाग वनविभागाकडे आहे. याठिकाणी प्री-वेडिंगचे फोटो घ्यावयाचे असतील तर वन विभागाची परवानगी आवश्यक असल्याचे वनरक्षक व्ही. टी. दाते यांनी सांगितले.