बेळगाव : पादरायणपुर प्रभागातील बीबीएमपीचा नगरसेवक इमरान पाशा कर्नाटकमधील कोविड पॉझिटिव्ह असणारा पहिला राजकारणी ठरले आहेत. त्यांचा चाचणी अहवाल शुक्रवारी रात्री उशिरा आला. परंतु आरोग्य खात्याने याला शनिवारी दुपारीच अधिकृत पुष्टी दिली.बीबीएमपीच्या इस्टेट शाखेत कार्यरत असलेले अनेक वरिष्ठ अधिकारी आणि शिक्षण विभागातील काही अधिकारी पाशाशी नियमित संपर्कात होते. इम्रान पाशाच्या कुटूंबियांव्यतिरिक्त काही अधिकारीदेखील या चाचणीत आहेत आणि त्यांना प्राथमिक संपर्क झाला असल्याचे मानले जात आहे. त्याचा संपर्क ट्रेसिंगही सुरू आहे, अशी माहिती मिळाली आहे.गेल्या दोन महिन्यांत कोविड पॉझिटिव्ह रुग्णांची नोंद मोठ्या झपाट्याने होत आहे.तेव्हापासून बंगळुरुमधील पादरायणपुरा हा एक कंटेनमेंट झोन बनला आहे. संशयित व्यक्तींना संस्थात्मक अलगीकरणात ठेवण्यासाठी प्रयत्न करणाऱ्या तेथील बीबीएमपीच्या आरोग्य कर्मचाऱ्यांवर व अधिकाऱ्यांवर हल्ला करण्यात आला होता. या दंगलीप्रकरणी १२० हून अधिक लोकांना अटक करण्यात आली होती.गेल्या काही दिवसांपासून दम लागतो आणि दम्याचा त्रास नसला तरी इन्हेलर वापरत आहे, असे इम्रान यांनी सांगितले. शुक्रवारी संध्याकाळी मी विधानसौधा जवळच्या एका खासगी रुग्णालयात वैद्यकीय तपासणी करण्यासाठी गेलो. चामराजपेट आमदाराच्या सूचनेनुसार मी कोविड चाचणी केली व ती पॉझिटीव्ह आली.
मी व्हिक्टोरिया रुग्णालयात दाखल आहे. माझ्या प्रभागात कोविड पॉझिटिव्ह केसेसचा फार वाईट परिणाम झाला असला तरी मी कधीही हार मानली नाही आणि माझ्या वॉर्डातील प्राणघातक रोगाचा सामना करण्यास मी पुढाकार घेतला आणि आज मला त्याचा संसर्ग झाला आहे, असेही तो म्हणाला आहे.इम्रान पाशाच्या फेसबुक पोस्टने गुरुवारी दावा केला की तो आजारी होता आणि त्यामुळे त्याचे वडील आरिफ पाशा बीबीएमपीच्या मुख्य कार्यालयात झालेल्या बैठकीला उपस्थित होते.