corona virus : कोरोना संसर्गाचा मोठा दिलासा, १३३ नवीन रुग्ण, ८ रुग्णांचा मृत्यू

corona virus, kolhapur news कोरोना संसर्गाचा गेल्या चार महिन्यांत कोल्हापूर जिल्ह्यास सोमवारी प्रथमच मोठा दिलासा मिळाला. गेल्या चोवीस तासांत नवीन कोरोना रुग्णात लक्षणीय घट झालीच शिवाय एका दिवसात सर्वाधिक रुग्ण कोरोनामुक्त झाले.

ठळक मुद्देकोरोना संसर्गाचा मोठा दिलासा १३३ नवीन रुग्ण, ८ रुग्णांचा मृत्यू ,९०५ कोरोनामुक्त

कोल्हापूर : जिल्ह्याचे आरोग्य बिघडवून टाकलेल्या कोरोना संसर्गाचा गेल्या चार महिन्यांत कोल्हापूर जिल्ह्यास सोमवारी प्रथमच मोठा दिलासा मिळाला. गेल्या चोवीस तासांत नवीन कोरोना रुग्णात लक्षणीय घट झालीच शिवाय एका दिवसात सर्वाधिक रुग्ण कोरोनामुक्त झाले. तसेच मृत्यू होणाऱ्यांची संख्याही एकदम कमी झाली. कोरोनाची परिस्थिती सुधारण्याची हीच गती राहिली तर पुढील आठ दहा दिवसांत कोल्हापूरचे चित्र पूर्णपणे बदललेले असेल.सोमवारी जिल्ह्यात विविध भागात नवीन १३३ रुग्णांची नोंद झाली, तर आठ रुग्ण उपचार सुरू असताना मृत्यू झाला, तर तब्बल ९०५ रुग्ण कोरोनामुक्त झाले. दुसरी महत्त्वाची बाब म्हणजे सौम्य लक्षणे असलेले ५७५७ रुग्ण त्यांच्या घरीच डॉक्टरांच्या सल्ल्याने उपचार घेत असल्याने जिल्ह्यातील विविध रुग्णालयात आता कोरोनाचे केवळ १९६६ रुग्ण दाखल आहेत.कोल्हापूर जिल्ह्यात कोरोनाचा संसर्ग पूर्णपणे नियंत्रणात असून, रुग्णांच्या संख्येत लक्षणीय घट होत आहे. रोज हजार-बाराशे रुग्ण आढळून येत होते. ही संख्या काही दिवसांपासून २०० ते २५० इतक्या संख्येपर्यंत खाली आली होती. सोमवारी तर केवळ १३३ रुग्ण आढळून आले. रोज ३० ते ३५ कोरोनाबाधित रुग्णांचा मृत्यू व्हायचा तोही आता बारा-पंधरांपर्यंत खाली आला होता. सोमवारी तर आठ रुग्ण दगावले.जिल्ह्यातील कोरोना रुग्णांची संख्या आता ४५ हजार ७२८ इतकी झाली असून, मृतांची संख्या १४९७ इतकी झाली आहे. आणखी एक गोष्ट महत्त्वाची अशी की, आजपर्यंत कोरोनामुक्त झालेल्यांची संख्या ३६ हजार ५०८ वर गेली आहे. नवीन कोरोना रुग्णांची संख्या घटत असल्यामुळे स्राव घेणे, चाचण्या यांची संख्याही लक्षणीय कमी झाली आहे. त्यामुळे एकूणच प्रशासनावरील ताण कमी झाला आहे.सर्वच तालुक्यांत १० च्या आत रुग्ण-सोमवारी कोल्हापूर शहरात ३८ रुग्ण आढळले; मात्र सर्वच तालुक्यात १० च्या आतच रुग्ण आढळून आले, तर आजरा ३, चंदगड १०, गडहिंग्लज ८, गगनबावडा १, हातकणंगले १, कागल ९, करवीर ८, पन्हाळा ६, राधानगरी ४, शाहूवाडी ३, शिरोळ येथे दोन रुग्णांची नोंद झाली.तपासणी अहवाल -चाचणीचा प्रकार चाचणींची संख्या पॉझिटिव्ह निगेटिव्ह१. आरटीपीसीआर २९५ ५७ २३१२. अँटिजेन २२८ १३ २१५३. खासगी लॅब २९६ ६३ २३३मृतांत कोल्हापूरचे तिघे गेल्या चोवीस तासांत आठ रुग्णांचा मृत्यू झाला. त्यामध्ये कोल्हापुरातील प्रतिभानगर, गंगावेश, महाद्वार रोड, तसेच आजऱ्यातील भादवणवाडी, हातकणंगलेतील गांधी चौक व हुपरी, शिरोळमधील मौजे आगर व इस्लामपूर येथील रुग्णांचा समावेश आहे.तालुकानिहाय रुग्ण -आजरा - ८०२, भुदरगड - ११३९, चंदगड - १०७५, गडहिंग्लज - १३०५, गगनबावडा - १३१, हातकणंगले - ४९९४, कागल - १५७५, करवीर - ५३११, पन्हाळा - १७६१, राधानगरी - ११८६, शाहूवाडी - १२१९, शिरोळ - २३५५, नगरपालिका हद्द - ७०२७, कोल्हापूर - १३,८८२, इतर जिल्हा - २००६.