इचलकरंजी : कोरोना महामारीला रोखण्यासाठी शहर व परिसरातील डॉक्टर, नर्स, ब्रदर यांनी एकत्र यावे. प्रत्येकाला कामाचे योग्य मानधन निश्चितपणे मिळेल. त्यामुळे सर्वांनी शहर वाचविण्यासाठी पुढे येऊन सहकार्य करावे, असे आवाहन आमदार प्रकाश आवाडे यांनी केले.
कोरोनाच्या दुसऱ्या लाटेचे शहरावर मोठे संकट उद्भवले आहे. त्याला रोखण्यासाठी लसीकरण अत्यंत महत्त्वाचे आहे. सध्या शहर व परिसरात २१ केंद्रांद्वारे लसीकरण सुरू असून, ती वाढवून ५१ करावी, अशी मागणीही त्यांनी केली. त्या अनुषंगाने केंद्रावर कामासाठी इच्छुक असलेल्याची बैठक ताराराणी पक्ष कार्यालयात घेण्यात आली. आयजीएम रुग्णालय व व्यंकटेश्वरा सेंटरमध्ये ऑक्सिजन संदर्भातील माहिती असलेल्या तज्ज्ञांची गरज असून तज्ज्ञ डॉक्टरांनी पुढे यावे. आपल्या कौशल्याच्या माध्यमातून शहर कोरोनामुक्त करण्यासाठी सहकार्य करावे. ही नियुक्ती व त्यासाठीचे मानधन शासनाकडून मिळावे यासाठी आपण प्रयत्नशील असून त्याची जबाबदारी मी स्वीकारतो, असेही त्यांनी सांगितले. बैठकीस आरोग्य सभापती संजय केंगार, जिल्हा परिषद सदस्य राहुल आवाडे, नगरसेवक सुनील पाटील, अहमद मुजावर, राजू मगदूम, संजय आरेकर, स्वप्निल पाटील आदी उपस्थित होते.
फोटो ओळी
२९०४२०२१-आयसीएच-०१
इचलकरंजी ताराराणी पक्ष कार्यालयात डॉक्टर व नर्स यांच्या बैठकीत आमदार प्रकाश आवाडे यांनी कोरोनाला रोखण्यासाठी सहकार्य करावे, असे आवाहन केले. यावेळी आरोग्य सभापती संजय केंगार, जिल्हा परिषद सदस्य राहुल आवाडे, नगरसेवक सुनील पाटील, आदी उपस्थित होते.