अवैधरित्या गुटख्याची वाहतूक करणारा टेम्पो पकडला

कोल्हापूर : अवैधरित्या गुटख्याची वाहतूक करणारा टेम्पो स्थानिक गुन्हे अन्वेषण पथकाने कागल पंचतारांकित एमआयडीसी रोडवर पकडला. कारवाईत संदीप गोविंद सुतार (वय ३३, रा. आयोध्या काॅलनी, बोंद्रेनगर, रिंगरोड, कोल्हापूर) याला पोलिसांनी अटक केली. स्थानिक गुन्हे अन्वेषण पथकाने केलेल्या कारवाईत पावणेदोन लाखांचा गुटखा, टेम्पो असा सुमारे ५ लाख १३ हजारांचा मुद्देमाल जप्त केला.

पोलिसांनी दिलेली माहिती अशी की, जिल्ह्यातून अवैध व्यवसायांवर कारवाई करत समूळ उच्चाटन करण्याच्या सूचना पोलीस अधीक्षक शैलेश बलकवडे यांनी दिल्या आहेत. त्यानुसार स्थानिक गुन्हे अन्वेषण शाखेचे पो. नि. प्रमोद जाधव यांनी शाखेकडील पोलीस अधिकारी व कर्मचारी यांनी अवैध व्यवसायाच्या अनुषंगाने माहिती काढून कायदेशीर कारवाईच्या सूचना दिल्या. कागल पंचतारांकित एमआयडीसी रोडवरून अवैध गुटख्याची वाहतूक होणार असल्याची गोपनीय माहिती पोलीस पथकास मिळाली. त्यानुसार बुधवारी परिसरात सापळा रचून एक संशयास्पद टेम्पो पकडला. टेम्पोची तपासणी केली असता, त्यातून अवैधरित्या गुटख्याची वाहतूक होत असल्याचे निदर्शनास आले. त्यानुसार टेम्पोतील पानमसाला, तंबाखू मसाला असा १ लाख ६३ हजार ५२० रुपये किमतीचा गुटखा तसेच टेम्पो असा सुमारे ५ लाख १३ हजारांचा मुद्देमाल जप्त केला. टेम्पोचालक संदीप सुतार यालाही अटक केली. कारवाईनंतर संशयित आरोपीस मुद्देमालासह कागल पोलिसांच्या हवाली केले.

फोटो नं. ०१०९२०२१-कोल-गुटखा०१

ओळ : कागल पंचतारांकित एमआयडीसी रोडवर पोलिसांनी अवैधरित्या गुटख्याची वाहतूक करणारा टेम्पो पकडला. टेम्पोचालकाला अटक करून सुमारे पावणेदोन लाखांचा गुटखा व टेम्पो जप्त केला.

010921\01kol_38_01092021_5.jpg

ओळ : कागल पंचतारांकित एमआयडीसी रोडवर पोलिसांनी अवैधरित्या गुटख्याची वाहतुक करणारा टेंम्पो पकडला. टेंम्पोचालकाला अटक करुन सुमारे पावणेदोन लाखाचा गुटखा व टेंम्पो जप्त केला.