शिरोळ : जिद्द, चिकाटी, सातत्यपूर्ण प्रयत्न आणि प्रचंड कष्टातून जिनेंद्रने हे यश मिळविले आहे. त्याच्या अंगी असणारी खेळाप्रती आवड उल्लेखनीय आहे. यापुढेही त्याने विविध देश व आंतरराष्ट्रीय पातळीवर यश मिळवावे. त्यासाठी दत्त उद्योग समूह त्याच्या पाठीशी राहील, असे प्रतिपादन दत्त उद्योग समूहाचे अध्यक्ष गणपतराव पाटील यांनी केले. सुपरक्रॉस नॅशनल चॅम्पियनशिपसह अनेक राज्य, राष्ट्रीय व आंतरराष्ट्रीय स्पर्धेत यश मिळविणाऱ्या आणि भारतातील सर्वांत लहान रायडर (खेळाडू) म्हणून ओळख निर्माण केलेल्या अब्दुललाट (ता. शिरोळ) येथील जिनेंद्र किरण सांगावे या बारा वर्षीय खेळाडूचा दत्त उद्योग समूहाच्यावतीने सत्कार करण्यात आला. दत्त उद्योग समूहाचे अध्यक्ष उद्यानपंडित गणपतराव पाटील यांच्या हस्ते त्याचा सत्कार करण्यात आला. २०१६ पासून जिनेंद्र रायडर म्हणून मोटारसायकल रेसिंग स्पर्धेत भाग घेत आहे. गोवा, पुणे, कोचिन, नाशिक, बेळगावी, जयपूर, बरोडा, मुंबई, बंगलोर, कोइंबतूर, श्रीलंका, आदी ठिकाणी झालेल्या वीसपेक्षा अधिक स्पर्धेत भाग घेऊन पहिल्या तीन क्रमांकामध्ये त्याने यश मिळविले आहे.
याप्रसंगी आप्पा पाटील, दामोदर सुतार, अशोकराव कोळेकर, सागर सांगावे, एम. व्ही. पाटील, महेंद्र बागे, रघुनाथ पाटील, पिंटू पाटील, प्रा. मोहन पाटील, मुसा डांगे, श्रीशैल हेगान्ना, अशोक शिंदे उपस्थित होते. दादासाहेब पाटील यांनी सूत्रसंचालन केले.
फोटो - ०३०३२०२१-जेएवाय-०२
फोटो ओळ - अब्दुललाट (ता. शिरोळ) येथील मोटारसायकल रायडर जिनेंद्र सांगावे यांचा दत्त उद्योग समूहाच्यावतीने सत्कार झाला. यावेळी गणपतराव पाटील, एम. व्ही. पाटील, दामोदर सुतार, महेंद्र बागे यांच्यासह मान्यवर उपस्थित होते.