बँक ऑफ इंडिया सेवकांची पतसंस्थेची वार्षिक सभा उत्साहात

कोल्हापूर : येथील बँक ऑफ इंडिया सेवकांची सहकारी पतसंस्था मर्यादित जयसिंगपूर यांची ३४ वी वार्षिक सर्वसाधारण सभा हॉटेल जोतिबा (मार्केट यार्ड) येथे शनिवारी व्हिडिओ कॉन्फरन्सद्वारे झाली. त्यात संस्थेचे चिटणीस विकास देसाई यांनी विषय पत्रिकेचे वाचन केले. सर्व विषयावर सविस्तर चर्चा करून हे विषय एकमताने मंजूर करण्यात आले. त्यानंतर तत्कालीन अध्यक्ष मोहन चोडणकर यांनी मनोगत व्यक्त केले. माजी अध्यक्ष मोहन गोखले आणि संचालक भालचंद्र आठवले यांचा सेवानिवृत्तीनिमित्त संस्थेचे संस्थापक चिटणीस आणि माजी अध्यक्ष श्रीकांत गाडगीळ यांच्या हस्ते सत्कार करण्यात आला. संस्थेच्या पहिल्या ऑनलाईन सभेला सभासदांचा उत्स्फूर्त प्रतिसाद लाभला. या सभेस सर्व संचालक मंडळ उपस्थित होते. अक्षता मुतालिक देसाई यांनी आभार मानून सभा संपल्याचे जाहीर केले.