इचलकरंजी : शहरात विविध २९ ठिकाणी ६५ जणांचा कोरोना अहवाल पॉझिटिव्ह आला. तसेच, भारतमाता हौसिंग सोसायटी येथील ५३ वर्षीय पुरुष व केटकाळे गल्ली येथील ६० वर्षीय वृद्धाचा उपचारादरम्यान मृत्यू झाला.
पॉझिटिव्ह आलेल्यांमध्ये पाटीलमळा ८, गणेशनगर ७, सांगली नाका व जवाहरनगर प्रत्येकी ५, विक्रमनगर व इंदिरा हौसिंग सोसायटी प्रत्येकी ३, थोरात चौक, सहकारनगर, आसरानगर, राधाकृष्ण चौक, वखारभाग, संत मळा, अलायन्स हॉस्पिटलजवळ, भोनेमाळ, कृष्णानगर येथील प्रत्येकी २, भोनेमाळ, जुना चंदूर रोड, कागवाडे मळा, धान्य ओळ, खंजिरे मळा, अडत पेठ, गांधी कॅम्प, मथुरानगर, वैरण बाजार, पुजारी मळा, श्रीहरी टॉकीजजवळ, प्रियदर्शनी कॉलनी, हनुमाननगर, साई-समर्थनगर, केटकाळेनगर व बालाजीनगर येथील प्रत्येकी एकाचा समावेश आहे. शहरात आतापर्यंत सहा हजार ५४० जणांना लागण झाली असून,पाच हजार ७२० जण बरे झाले आहेत. ४८१ जण उपचार घेत असून, मृत्यूसंख्या ३२२ वर पोहचली आहे.
दरम्यान, शहरातील अन्य खासगी रुग्णालयात उपचार घेत असताना मृत्यू झालेले व त्याची नोंद न झालेले १७ मृत्यूची नोंद नगरपालिकेने गुरूवारी एकत्रित दाखल करून घेतली. त्यामुळे शहरातील मृत्यूची संख्या ३३९ झाली आहे.