भादवण (ता. आजरा) येथील श्रीमती कंबूबाई खुळे यांच्या राहत्या घराला आग लागून संसारोपयोगी साहित्याचे मोठे नुकसान झाले आहे. या घटनेमुळे आर्थिक अडचणीत सापडलेल्या खुळे कुटुंबियांना श्री रवळनाथ को-ऑप हौसिंग सोसायटीने १५ हजारांची आर्थिक मदत देऊन मानसिक आधार दिला.
संस्थेचे संस्थापक अध्यक्ष एम. एल. चौगुले, संचालक महेश मजती, प्रा. दत्ता पाटील, मीना रिंगणे, उमा तोरगल्ली, संदीप कागवाले यांनी खुळे यांनी घटनास्थळी भेट देऊन मदतीचा धनादेश दिला.
जळीतग्रस्त, नैसर्गिक आपत्तीग्रस्त, अपघातग्रस्त यांच्यासह गरजू व गरीब रुग्णांना वैद्यकीय उपचारासाठी आणि गरीब व होतकरू मुला-मुलींना शिक्षणासाठी भरीव स्वरूपाची संस्थेने आजपर्यंत मदत केली आहे.
------------------------
* फोटो ओळी : भादवण (ता. आजरा) जळीतग्रस्त कंबूबाई खुळे यांना आर्थिक मदतीचा धनादेश ‘रवळनाथ’च्या संचालिका मीना रिंंगणे व उमा तोरगल्ली यांच्या हस्ते देण्यात आला. यावेळी संस्थाध्यक्ष एम. एल. चौगुले, दत्ता पाटील, महेश मजती, संदीप कागवाडे आदी उपस्थित होते.
क्रमांक : ०९०४२०२१-गड-०२