गडहिंग्लज तालुक्यात आणखी ११ बाधित, कुटुंबातील ६ जणांना कोरोना

हलकर्णी( ता. गडहिंग्लज ) येथे एका कुटुंबातील ६ जणांसह गडहिंग्लज शहरातील दोघे आणि महागाव, शेंद्री व हडलगे येथील प्रत्येकी एक मिळून तालुक्यातील आणखी ११ जणांना कोरोनाची बाधा झाली.

ठळक मुद्देगडहिंग्लज तालुक्यात आणखी ११ बाधित, एकूण रूग्णसंख्या १९६हलकर्णीच्या कुटुंबातील ६ जणांना कोरोना

गडहिंग्लज : हलकर्णी (ता. गडहिंग्लज ) येथे एका कुटुंबातील ६ जणांसह गडहिंग्लज शहरातील दोघे आणि महागाव, शेंद्री व हडलगे येथील प्रत्येकी एक मिळून तालुक्यातील आणखी ११ जणांना कोरोनाची बाधा झाली.गुरुवारी (२३) तालुक्यातील १० जणांचे अहवाल पॉझिटीव्ह आले होते. सलग दुसर्‍यादिवशी पुन्हा ११ जण बाधित झाल्यामुळे तालुक्यात खळबळ उडाली.तालुक्यातील रुग्णसंख्या १९६ वर पोहचली आहे तर शहरातील रुग्णसंख्या २१ झाली आहे.बाधितांच्या संपर्कात आल्यामुळे गडहिंग्लज शहर, महागाव,शेंद्री व हडलगे येथील मिळून ५ व्यक्ती कोरोनाबाधित झाले.शहरातील रुग्ण म.दुं.श्रेष्ठी विद्यालयामध्ये अलगीकरणात होते. बाधित सर्व रुग्णांवर शेंद्री येथील कोविड सेंटरमध्ये उपचार सुरु आहेत.हलकर्णीत एकाच कुटुंबातील ७ बाधित..!तेरणी येथील बाधिताच्या संपर्कात आलेल्या हलकर्णी येथील एकजण बाधित झाला.त्याच्या कुटुंबातील ६ जणांचे अहवाल शुक्रवारी पॉझिटीव्ह आले.त्यामध्ये त्याची आई, पत्नी, मुलगी, भाऊ, भावजय आणि चुलत बहीण यांचा समावेश आहे.