कल्याण-विठ्ठलवाडी परिसरातील खडेगोळवली येथील किन्नर अस्मिता संस्थेत मतदान जनजागृतीचा कार्यक्रम आज पार पडला. सहाय्यक निवडणूक निर्णय अधिकारी गोपीनाथ ठोंबरे आणि अतिरिक्त सहाय्यक. निवडणूक निर्णय अधिकारी डॉ. स्वाती घोंगडे यांचे मार्गदर्शनाखाली मतदान जनजागृती पथकाचे महापालिकेचे शिक्षणाधिकारी विजय सरकटे यांनी हा कार्यक्रम आयोजित केला होता.
तृतीयपंथी मतदारांनी आम्ही मतदान करणार आणि तुम्ही पण मतदान करा अशा घोषणा करीत,आम्ही सर्व मतदान करणार या शब्दात उपस्थितांना आश्वासित केले. मतदान जनजागृती पथकाचे कर्मचारी- स्टुडंट ऑयकान प्रणव देसाई, समाधान मोरे, विलास नंदनवार, सर्जेश वेलेकर, अजय खंडाळे, मिडीया टिमचे उमेश यमगर, निलेश चव्हाण,अदिती पवार उपस्थित होते.