लाेकमत न्यूज नेटवर्ककल्याण : पश्चिमेतील राैनक सिटी इमारतीच्या चाैदाव्या मजल्यावरील एका फ्लॅटला बुधवारी दुपारी लागलेल्या आगीत रचना काैशल (६९) ही महिला हाेरपळल्याने जखमी झाली. तिला नवी मुंबईतील ऐराेली येथील एका रुग्णालयात दाखल करण्यात आले. आगीची माहिती मिळताच अग्निशमन दलाने घटनास्थळी धाव घेत तासाभरात आगीवर नियंत्रण मिळवले. या आगीमुळे फ्लॅटचे प्रचंड नुकसान झाले आहे.
काैशल या भाड्याने राहतात. दुपारी त्या घरात स्वयंपाक करत असताना त्यांच्या अंगावर असलेल्या कपड्याने अचानक पेट घेतला. त्यामुळे रचना यांनी मदतीसाठी आरडाओरड केली. ते ऐकून शेजाऱ्यांनी मदतीला धाव घेत त्यांना बाहेर काढले. प्रथम त्यांना कल्याणच्या खासगी रुग्णालयात नेण्यात आले. मात्र, त्या जास्त भाजल्या असल्याने त्यांना नवी मुंबईतील रुग्णालयात पाठवण्यात आले. त्याच वेळी आगीच्या घटनेची माहिती नागरिकांनी अग्निशमन दलास दिली. ज्या कपड्याने पेट घेतला हाेता, ताे तेथेच राहिल्याने आग संपूर्ण घरात पसरल्याचा अंदाज व्यक्त करण्यात आला आहे. आगीत फ्लॅटमधील सर्व वस्तूंचे नुकसान झाले आहे.
आगीवर फवारा कमी, पाणी वायाच गेले अधिकआग विझवण्यासाठी आलेल्या अग्निशमन दलाच्या गाडीचा पाइप फुटलेला हाेता. त्यामुळे गाडीच्या पाइपमधून आगीसाठी वापरण्यात येणारे पाणी आग विझविण्याआधीच वाया जात हाेते. हा प्रकार पाहून इमारतीतील नागरिकांनी संताप व्यक्त केला.