मुरलीधर भवार, कल्याण : अयोध्येत श्रीराम मंदिरात श्रीराम मूर्तीच्या प्रतिष्ठापणेच्या पार्श्वभूमीवर पूर्ण देशात उत्साहाचे वातावरण आहे. कल्याण शहर देखील त्यामध्ये मागे नाही कल्याण शहरात देखील विविध संस्थांनी राजकीय पक्षाने विविध कार्यक्रम आयोजित केले आहेत.
शिवसेना कल्याण शहर शाखेच्या वतीने २२ तारखेला दुर्गाडी किल्ल्यावर संध्याकाळी सहा वाजता दिप महोत्सव साजरा करण्यात येणार आहे. तब्बल पाच हजार दिव्यांनी दुर्गाडी किल्ला उजळून निघणार आहे. कल्याण छत्रपती शिवाजी महाराज चौक ,आंबिवली ,टिटवाळा ,वडवली ,मोहना गेट , विविध ठिकाणी महाआरतीचे आयोजन करण्यात आले असल्याची माहिती शिवसेना शहर प्रमुख रवी पाटील यांनी दिली. नागरिकांनी या कार्यक्रमाला उपस्थित राहावे असे आवाहन केले.