अनिकेत घमंडी, डोंबिवली: नववर्षाच्या तिसऱ्या दिवशी बुधवारी डोंबिवलीच्या चार रेल्वे प्रवाशांसाठी काळा दिवस ठरला. दोन प्रवाशांचा लोकलमधून पडून आणि अन्य दोन जणांचा रूळ।ओलांडताना अज्ञात लोकलची धडक लागून मृत्यू झाल्याची नोंद डोंबिवली लोहमार्ग पोलीस ठाण्यात करण्यात आली. हे सगळे अपघात कोपर, ठाकुर्ली कल्याण रेल्वे मार्गावर अप, डाऊन जलद धीम्या मार्गांवर झाले.
मयतांमध्ये दोन पुरुष, दोन।महिलांचा समावेश आहे. त्यापैकी एक महिला, पुरुष लोकलमधून पडून तर अन्य दोघे रूळ ओलांडण्याच्या नादात अपघात झाले. या चार अपघातात केवळ लोकलमधून पडलेल्या एका पुरुष प्रवशाची ओळख पटली असून तिघांच्या वारशांचा तपास पोलीस घेत आहेत. लोहमार्ग पोलीस ठाण्याच्या वरिष्ठ पोलीस निरीक्षक अर्चना दुसाने यांनी दिलेल्या माहितीनुसार दिवसभरात तीन घटना सकाळी घडल्या, त्यानंतर चौथी घटना संध्याकाळी घडल्याची माहिती त्यांना मिळाली असून त्याचा शोध घेण्यासाठी पोलीस पाठवल्याचे सांगण्यात आले. सुशील पूतरन (५०) रा. गणेश अपार्टमेंट, तिसरा मजला, अंबिका हॉटेल जवळ, डोंबिवली पूर्व असे डोंबिवली कोपर मार्गावर लोकलमधून।पडून मयत झालेल्या प्रवाशाचे नाव असून नेहमीप्रमाणे कामावर जण्यासाठी ते घरातून निघाला त्यानंतर स.८: ४० वाजता अपघात झाल्याची माहिती मिळल्याचे सांगण्यात आले.
डोक्याला गंभीर दुखापत झाल्याने त्यांना जखमी अवस्थेत शास्त्रीनगर इस्पितळात नेण्यात आले, मात्र त्या आधीच त्यांचा मृत्यू झाला होता. मयताचे वारस।मिळाले असून त्यांना अपघाताबाबत माहिती देण्यात आली. अन्य दोन अपघातात एक महिला मध्यरात्री सव्वा बाराच्या सुमारास अज्ञात लोकलची धडक लागून तर दुसरी महिला सकाळी ८:१५ वाजता लोकल मधून पडून मयत झाल्याचा प्राथमिक अंदाज पोलिसांनी व्यक्त।केला,तिसऱ्या इसमाचा अपघात कसा झाला याचा शोध घेणे सुरू होते.