चेन्नई : दुसऱ्या सत्रात जोरदार पुनरागमन करत दबंग दिल्ली संघाने प्रो-कबड्डी लीगमधील गुजरात फॉर्च्यूनजायंट्सबरोबरचा सामना बरोबरीत सोडवला. पहिल्या सत्रात गुजरातने १७-१२ अशी पाच गुणांची आघाडी घेतली होती. पण दुसऱ्या सत्रात दिल्लीने दमदार खेळ केला आणि सामना ३२-३२ असा बरोबरीत सोडवला.
दिल्लीच्या संघाने दुसऱ्या सत्रात जोरदार पुनरागमन केले. सामना अखेरच्या पाच मिनिटांमध्ये त्यांनी गुजरातचा सर्व संघ बाद केला. त्यानंतर चार मिनिटे शिल्लक असताना २९-२९ अशी बरोबरी केली. त्यानंतर सामना संपायला एक मिनिट असताना दिल्लीने पुन्हा एकदा ३१-३१ अशी बरोबरी केली.
पहिल्या सत्रात दोन्ही संघांमध्ये पाच गुणांचा फरक होता. पहिल्या सत्रात गुजरातने दिल्लीवर १७-१२ अशी आघाडी मिळवली होती. पहिल्या सत्रात गुजरातने दिल्लीवर एक लोण चढवला होता.
सामन्याच्या सुरुवातीपासून गुजरातच्या संघाने दिल्लीवर वरचष्मा ठेवला होता. मध्यंतरापर्यंत त्यांनी आघाडी कायम ठेवली होती.