चेन्नई, प्रो कबड्डी लीग 2018 : पुणेरी पलटण संघाने प्रो कबड्डी लीगच्या सोमवारी खेळवल्या गेलेल्या सामन्यात हरयाणा स्टीलर्सवर 34-22 असा विजय मिळवला. नितीन तोमर ( 7), जीबी मोर (6) आणि दीपक दहिया (5) यांनी चढाईत पुण्याला गुण कमवून दिले.
हरयाणाच्या विकास कंडोला, सुनील व सुरेंदर नाडा यांना संघर्ष केला, परंतु अखेरच्या पाच मिनिटापर्यंत पुण्याने सामना 30-17 असा आपल्या बाजूने झुकवला होता.
पुणेरी पलटणच्या नितीन तोमरने 17 व्या मिनिटाला हरयाणावर लोण चढवताना 13-8 अशी आघाडी मिळवून दिली. त्यामुळे पहिल्या सत्रात पुण्याकडे 15-9 अशी आघाडी घेतली होती.
पुणेरी पलटन भिडणार हरयाणा स्टीलर्स यांच्याशी
पहिल्या सामन्यात हातातून गेलेला सामना बरोबरीत सोडवल्यानंतर पुणेरी पलटन संघाच्या खेळाडूंचे मनोबल चांगलेच उंचावले आहे. प्रो कबड्डी लीगच्या सहाव्या पर्वात हा संघ कमाल दाखवण्यासाठी सज्ज झाला आहे. सोमवारी त्यांच्यासमोर हरयाणा स्टीलर्सचे आव्हान असणार आहे.