सध्या एका अजब-गजब बातमीनं अनेकांना हैराण केले आहे. स्पेनमध्ये राहणाऱ्या १९ वर्षीय मुलीला स्वत:चा डीएनए चाचणीचा रिपोर्ट पाहून धक्का बसला आहे. गेल्या १९ वर्षापासून तिच्या आयुष्यात इतकी मोठी फसवणूक झाली हे तिच्या रिपोर्ट पाहून लक्षात आले. बेबी स्वॅपिंगची ही बातमी सोशल मीडियात व्हायरल होत आहे. जी वाचून तुम्हीही चक्रावून जाल.
आई-वडिलांच्या भांडल्यानंतर केली DNA चाचणी
स्पेन मीडियानुसार, या मुलीने तिचं नाव न सांगण्याच्या अटीवरुन सर्व घडलेला प्रकार शेअर केला आहे. काही कारणावरुन या मुलीचं तिच्या आई वडिलांशी भांडण झालं. रागाच्या भरात वाद DNA चाचणीपर्यंत येऊन पोहचला. या DNA चाचणीनंतर मुलीला कळालं की, ती ज्यांच्यासोबत राहत आहे ते तिचे वडील नाहीत त्यानंतर मुलीने आईच्या नमुन्याचीही तपासणी केली तेव्हा आईदेखील तिची नाही हे तिला कळालं.
सहज गंमतीनं बापानं १२ वर्षीय पोराची DNA चाचणी केली; रिझल्ट पाहून चेहऱ्यावर घाम फुटला, मग...
हॉस्पिटलमध्ये केली पडताळणी
या मुलीचा जन्म स्पेनच्या नॉर्दन रिओजा स्थित सैन मिलान डी रॉगरोने हॉस्पिटलमध्ये २००२ मध्ये झाला होता. या मुलीच्या घरचं वातावरण खूप टेन्शनमध्ये होतं. या मुलीला तिच्या आजीने सांभाळलं होतं. डीएनए चाचणी रिपोर्ट पाहून तिने हॉस्पिटलशी संपर्क साधला त्यानंतर तिला जे काही ऐकायला मिळालं ते तर शॉकिंग होतं.
नुकसान भरपाई म्हणून ३५ कोटी मिळणार
हॉस्पिटलमधील रेकॉर्डनंतर समोर आलं की, या मुलीचा जन्म झाला होता त्याच दिवशी ५ तासांपूर्वी आणखी एका मुलीचा जन्म झाला होता. दोन्ही मुलींची अवस्था कमकुवत असल्याने त्यांना इन्क्यूबेटरमध्ये उपचारासाठी ठेवलं होतं. त्यानंतर हॉस्पिटल स्टाफच्या चुकीमुळे दोन्ही मुलींची अदलाबदल झाली. दोघीही चुकीच्या कुटुंबामध्ये वाढल्या. आता १९ वर्षांनी या प्रकरणाचा खुलासा झाल्यानं हॉस्पिटल अडचणीत सापडलं आहे. तर या मुलीला नुकसान भरपाई म्हणून ३५ कोटी रुपये देणार असल्याचं हॉस्पिटलने सांगितले.
सहज गंमतीनं बापानं १२ वर्षीय पोराची DNA चाचणी केली
काही दिवसांपूर्वी अमेरिकेतही असाच प्रकार समोर आला होता. एका व्यक्तीनं सहज गंमत म्हणून मुलाची डीएनए(DNA) चाचणी केली. त्यानंतर जे सत्य समजलं ते ऐकून बापाला मोठा धक्काच बसला. १२ वर्षाच्या मुलाचा टेस्ट रिपोर्ट आल्यानंतर त्या बापाला पुढे काय करायचं हे काही सुचलं नाही. आतापर्यंत मुलावर एवढा जीव लावला. प्रेमानं त्याला वाढवलं. पण गंमत म्हणून DNA चाचणी केली आणि सगळं काही धुळीस मिळालं. डीएनए चाचणीतून सगळं सत्य समोर आलं. आतापर्यंत ज्या मुलाला तो स्वत:चा मुलगा समजत होता. त्याची DNA चाचणी केली आणि सगळी पोलखोल झाली. अमेरिकेच्या उटाह निवासी कपल डोना आणि वन्नेर जॉनसनसोबत सर्वात भयंकर किस्सा घडला आहे. दोन मुलांचा बाप असलेल्या वन्नेर जॉनसन यांनी १२ वर्षीय मुलाचं सहज गंमतीनं डीएनए चाचणी केली. तेव्हा जॉनसनला समजलं की, तो त्याचा मुलगाच नाही. या कन्फ्यूजनचं कारण होतं IVF प्रक्रियेवेळी Fusionमध्ये झालेली चुक महागात पडली.